Bul týraly Qazaqstan Respýblıkasy Premer-mınıstrdiń orynbasary – Syrtqy ister mınıstri Murat Nurtileý Delıde ótken «Ortalyq Azııa – Úndistan» iskerlik keńesiniń otyrysynda málimdedi.
Qazaqstan Syrtqy ister mınıstri Murat Nurtileý úndi ınvestısııasynyń 41%-ǵa ósip, 525 mln dollardan asqanyn atap ótti. Ol Úndistandy negizgi kólik dálizderine qatysýǵa shaqyrdy. Iаǵnı M.Nurtileý «Soltústik – Ońtústik» jáne Orta dáliz baǵyttary sııaqty halyqaralyq kólik dálizderin damytý mańyzyn atap ótip, úndi tarapyn mýltımodaldy baǵyttar, talshyqty-optıkalyq jeliler jáne óńirlik energetıkalyq jelilerdi qamtıtyn birlesken ınfraqurylymdyq jobalardy júzege asyrýǵa shaqyrdy. Sondaı-aq Qazaqstan strategııalyq resýrstar jetkizýge jáne týrızmdi yntalandyrýǵa daıyn ekenin bildirip, ınvestısııa úshin qolaıly klımat pen vızasyz kirý múmkindigin usynyp otyr.
Eýrazııa toǵysyndaǵy strategııalyq memleket
Ortalyq Azııadaǵy eń iri el – Qazaqstan óziniń Eýropa men Azııanyń qıylysynda ornalasqan geografııalyq orny men mol tabıǵı resýrsynyń, sonyń ishinde mıneraldyq jáne energetıkalyq baılyǵynyń arqasynda strategııalyq jáne geosaıası turǵydan mańyzdy el retinde tanylady.
Jas halqynyń áleýeti, ekonomıkasyn ártaraptandyrý men jańǵyrtý arqyly Qazaqstan óńirlik tranzıttik, ınvestısııalyq jáne halyqaralyq yntymaqtastyq ortalyǵy retindegi rólin nyǵaıtýǵa umtylyp otyr. Bul el ornyqty ári kópvektorly damý modelin ilgeriletip keledi.
Qazirgi geosaıası jaǵdaı aıasynda Qazaqstan halyqaralyq áriptesteri – Reseı, Qytaı jáne Eýropalyq odaqpen, sondaı-aq óńirlik oıynshylar – Túrkııa, Iran jáne Parsy shyǵanaǵy elderimen teńgerimdi qarym-qatynas ornatýǵa tyrysady.
Slovakııaǵa 150 myń bilikti maman qajet
Slovakııa Premer-mınıstri Robert Fıso Tashkentke jasaǵan sapary barysynda О́zbekstannan jumys kúshin tartýǵa qyzyǵýshylyq tanytty. Onyń aıtýynsha, О́zbekstan shetelde jumys isteýge daıyn 200 myń azamatty usyna alady, al Slovakııaǵa 150 myń bilikti maman qajet. TASR agenttigi Fısonyń málimdemesin keltire otyryp, onyń bul jumysshylardy, ásirese avtomobıl zaýyttarynda jáne medbıke retinde jumysqa ornalastyrýǵa múddeli ekenin jazdy.
Degenmen bul másele tek R.Fısony ǵana emes, sonymen qatar ózbek úkimetin de alańdatady. Úkimet óz azamattaryna zańdy túrde jumys tabýǵa bolatyn jańa elder izdep jatyr. Bul О́zbekstan ekonomıkasy úshin de mańyzdy, óıtkeni eńbek mıgranttary tabystarynyń kóp bóligin óz otbasylaryna jiberip turady.
Statıstıkalyq málimetterge súıensek, ótken jyldyń qańtar-qazan aılary aralyǵynda О́zbekstanǵa 115 myń mıgrant qaıtyp oralǵan jáne aldaǵy ýaqytta taǵy birneshe myń adam kelýi múmkin. Qazirgi kezde olardyń jalpy sany 250 myńǵa jýyqtaǵan.
Bir jaǵynan, kóptegen adam Qazaqstanǵa jumys isteýge ketse, ekinshi jaǵynan olardyń bir bóligi Reseıden eline qaıta ketip jatyr.
Daıyndaǵan –
Jasulan SEIILHAN,
«Egemen Qazaqstan»
