Foto: Úkimettiń baspasóz qyzmeti
Keńeste kólik mınıstriniń mindetin atqarýshy Maqsat Qalıaqparov, sondaı-aq «QTJ» UK» AQ basqarma tóraǵasy Nurlan Saýranbaev, «QazAvtoJol» UK» AQ basqarma tóraǵasy Darhan Imanashev baıandama jasady.
Kólik mınıstrliginiń málimetinshe, qazirgi ýaqytta temirjol salasynda jalpy quny 2,3 trln teńgeni quraıtyn bes iri joba iske asyrylyp jatyr. Atap aıtqanda, «Dostyq – Moıynty» ýchaskesindegi (836 km) ekinshi jol, Almaty stansasynyń aınalma joly (75 km), «Darbaza – Maqtaaral» temir joly (152 km), «Qyzyljar – Moıynty» jáne «Baqty – Aıagóz» (272 km) baǵyttaryndaǵy jobalar qolǵa alynǵan.
Sonymen qatar jumys temirjol jelisiniń jekelegen ýchaskelerin qamtıdy. Memleket basshysynyń tapsyrmasyna sáıkes, 2029 jylǵa deıin jalpy 11 myń shaqyrym temir joldy jóndeýden ótkizý josparlansa, bıyl jalpy somasy 177 mlrd teńgege 1 480 shaqyrym jol jańǵyrtylady. Sonymen qatar 2025 jyly aıaqtalatyn 125 vokzal keshenin rekonstrýksııalaý jumystary júrgiziledi.
«Avtojol qurylysy salasynda bıyl 13 myń shaqyrymǵa jumys júrgizý josparlanýda, onyń ishinde 2,2 myń shaqyrymy – rekonstrýksııalaý boıynsha jobalar, 6,6 myń shaqyrymy – jóndeý, sondaı-aq 4,2 myń shaqyrymy – jergilikti jelini jóndeý jumystary. Qazirgi ýaqytta 9 myń shaqyrym jol jańǵyrtylýda. Uzyndyǵy 1 083 shaqyrymdy quraıtyn aýyspaly jobalardy rekonstrýksııalaý jalǵasýda, onyń ishinde jyl sońyna deıin 847 shaqyrym jol jumystaryn aıaqtaý josparlanýda. Jańa jobalar qatarynda «Ortalyq – Batys» kúre jolynyń qurylysy bar, ol Astanadan Aqtaý porty baǵytyndaǵy tranzıttik baǵyttardyń qashyqtyǵyn 889 shaqyrymǵa qysqartýǵa múmkindik beredi. Sondaı-aq «Aqtóbe – Ulǵaısyn» (234 km), «Qaraǵandy – Jezqazǵan» (572 km) ýchaskeleri boıynsha jumystar bastaldy», delingen habarlamada.
Jıyn barysynda Premer-mınıstr jol jumystarynyń sapasy máselesin kóterdi. «QazAvtoJol» UK» AQ basqarma tóraǵasy Darhan Imanashev avtomattandyrylǵan ólsheý júıeleriniń (AО́J) jumysy týraly baıandady. Qazirgi ýaqytta respýblıkalyq joldarda osyndaı 27 keshen jumys isteıdi, 2025 jylǵa taǵy 25 AО́J ornatý josparlanǵan, 2026 jyly olardyń jalpy sany 126 birlikke deıin jetkiziledi. Arnaıy datchıkter kómegimen avtomattandyrylǵan ólsheý júıeleri shamadan tys júktemeni anyqtaý jáne jol jamylǵysynyń buzylýyn boldyrmaý úshin kólik quraldarynyń ólshemderi týraly aqparatty jedel túrde jiberedi.
«Avıasııa salasynda Qatonqaraǵaı, Zaısan, Kendirlide úsh jańa áýejaı salý, sondaı-aq Arqalyq qalasyndaǵy áýejaıdy qalpyna keltirý jobalary júzege asyrylýda. Pavlodar jáne Balqash áýe aılaqtarynda ınfraqurylym jańǵyrtylyp jatyr. Sý kóligi salasynda Aqtaý portyn tereńdetý jumystaryn bastaý osy jyldyń shilde aıynda josparlanýda. Sonymen qatar 2025 jyly saýda flotyn damytý aıasynda 8 birlik keme, onyń ishinde 6 qurǵaq júk kemesi jáne 2 parom satyp alynady», delingen habarlamada.
Premer-mınıstr josparlanǵan barlyq jobany keshendi ári júıeli túrde júzege asyrýdyń mańyzdylyǵyn atap ótti.
«Kólik salasy sońǵy 5 aıda 24% ósimdi kórsetti. Kólik energetıkalyq jáne basqa ınfraqurylymmen birge kez kelgen ekonomıkalyq damýdyń negizi sanalady. Nelikten Prezıdent pen Úkimet bul máselemen aınalysýda: eger biz qazir ınvestısııa salmasaq, onda uzaqmerzimdi ekonomıkalyq ósý bolmaıdy. Biz barlyq qajetti resýrstardy bólemiz. Barlyq salalyq qurylymdardyń mindeti – atalǵan qarajatty maqsatsyz paıdalanbaı jáne barlyq nysandardy ýaqytynda tapsyrý. Barlyq nysan osy jyldyń Ekonomıkalyq ósý josparyna engizilgen. Bul qysqamerzimdi nátıjege qatysty jáne tutastaı alǵanda – bul aldaǵy 10 jyldaǵy turaqty ekonomıkalyq ósýdiń negizi», dedi Oljas Bektenov.
Jıyn sońynda Kólik mınıstrligine, «Samuryq-Qazyna» qoryna jáne ózge de jaýapty uıymdarǵa birqatar tapsyrma berildi.
