QYZYLORDA. 6 mamyr. Qorqyt Ata atyndaǵy Qyzylorda memlekettik ýnıversıtetinde «Koreıa jáne Orta Azııadaǵy folklor: salystyrmaly taldaý» taqyrybynda halyqaralyq konferensııa ótti. Bul týraly egemen.kz tilshisi habarlady.
Konferensııa jumysyna Koreıanyń Almatydaǵy Bas konsýly Son Chhı Kyn, Koreıa Respýblıkasy Chollanam-do provınsııasy bilim basqarmasynyń bastyǵy, professor Manchaı Chang bastaǵan delegasııa, Salystyrmaly folklorıstıka jónindegi azııalyq qaýymdastyq prezıdenti Chýng-Ang jáne Qyrǵyzstan, О́zbekstan, Tájikstan, Qazaqstannyń ǵalymdary men lıngvıst mamandary, Qorqyt Ata atyndaǵy Qyzylorda memlekettik ýnıversıtetiniń oqytýshy-professorlary, magıstranttar jáne doktoranttar qatysty.
Konferensııanyń plenarlyq májilisinde ýnıversıtet rektory, tehnıka ǵylymdarynyń doktory, professor Qylyshbaı Bısenov delegasııa quramyna ýnıversıtettiń bilim berý qyzmetin tanystyrdy. Sonymen birge, Qorqyt ata atyndaǵy Qyzylorda memlekettik ýnıversıteti Ońtústik Koreıanyń Kangvon, Andon ulttyq ýnıversıtetteri, Kangnam, Kengı, Chýn-Ang, Kýkmın ýnıversıtetterimen jáne Kengı provınsııasynyń bilim basqarmasymen tyǵyz áriptestik baılanys ornatqandyǵyn, nátıjesinde atalǵan joǵary oqý oryndarynda stýdentter almasý jáne qos dıplom baǵdarlamalarynyń júıeli júzege asyp kele jatqandyǵyna toqtaldy.
Konferensııanyń plenarlyq májilisinde Arabaev atyndaǵy Qyrǵyz memlekettik ýnıversıtetiniń rektory, professor Tolobek Abdrahmanov «Folklor ı razmyshlenııa ob epose» taqyrybynda baıandama jasap, qyrǵyz, qazaq ádebıetiniń damýy, aqyndardyń ádebı baılanysy, Orta Azııa elderiniń baı folklor murasy týrasynda óz oılarymen bólisti. Sonymen birge, Haneýla Malbıta atyndaǵy ǵylymı-zertteý ınstıtýtynyń ǵylymı qyzmetkeri Gongý Rakka «Issledovanıe ı razrabotka tradısıonnyh metodov krashenııa po Koreıskoı tehnologıı» taqyryby boıynsha baıandama jasady.
Erjan Baıtiles.
Derek, sýret: egemen.kz.
