Sala ókilderiniń aıtýynsha, «Rosatom» memlekettik korporasııasymen áriptestik ornatý Qazaqstanǵa bilim berý júıesinde birizdendirilgen normatıvtik qujattar men standarttardy birden engizýge jol ashady. Bul bolashaq mamandardyń kásibı ortaǵa kedergisiz qosylýyn qamtamasyz etedi. Sonymen qatar qosymsha daıarlyqqa ketetin ýaqyt pen shyǵyndy qysqartýǵa múmkindik beredi.
– Men atom salasyndaǵy kez kelgen jetistiktiń myqty kadrlyq negizden bastalatynyna senimdimin. Búgin biz sol irgetasty qalaýǵa kiristik, – dedi Iаdrolyq fızıka ınstıtýtynyń bas dırektory S.Sahıev.
Búgingi tańda elimizdiń jetekshi joǵary oqý oryndary – D.Serikbaev atyndaǵy Shyǵys Qazaqstan tehnıkalyq ýnıversıteti, L.N. Gýmılev atyndaǵy Eýrazııa ulttyq ýnıversıteti, Ál-Farabı atyndaǵy Qazaq ulttyq ýnıversıteti, Ǵ. Dáýkeev atyndaǵy Almaty energetıka jáne baılanys ýnıversıteti syndy bilim ordalary, sondaı-aq sheteldik jetekshi oqý oryndary fızıka, energetıka, elektrotehnıka jáne taý-ken ınjınırıngi baǵyttary boıynsha 18 bilim berý baǵdarlamasy aıasynda kadrlar daıarlaýǵa kiristi.
Sonymen qatar qos dıplom baǵdarlamalary – ıadrolyq fızıka men ınjenerııa, teorııalyq ıadrolyq fızıka jáne atom energetıkasy salalarynda da júzege asyrylyp jatyr.
2024–2025 oqý jylyna atom salasyna qatysty mamandyqtar boıynsha 5 000-nan astam bilim berý granty bólindi. Bul kórsetkish aldyńǵy oqý jyldarymen salystyrǵanda edáýir kóp. Máselen, 2023–2024 jyldary bul salada oqıtyn stýdentter sany bar bolǵany 250 adamdy qurasa, 2011–2023 jyldar aralyǵynda otandyq joǵary oqý oryndary nebári 1 600 maman daıarlaǵan.
Aıta keteıik, Qazaqstanda Iаdrolyq fızıka ınstıtýty men Ulttyq ıadrolyq ortalyq sekildi ǵylymı-zertteý ınstıtýttary jumys isteıdi. Osy mekemelerdiń bazasynda búginge deıin 5 000-nan astam maman daıarlanǵan.
– Kadrlar – ıdeıalardy shyndyqqa aınaldyratyn, atom salasynyń damý vektoryn aıqyndaıtyn basty resýrs, – dedi S.Sahıev.
