Taraptar zııatkerlik menshik salasyndaǵy yntymaqtastyqtyń qazirgi jaǵdaıy men damý keleshegin talqylap, quqyq qoldaný tájirıbesin jetildirý jáne qyzmet tıimdiligin arttyrý máseleleri týrasynda pikir almasty.
Qytaı halyqaralyq patenttik ótinimder, ónerkásiptik úlgiler jáne taýar belgilerinen jetekshi orynda turǵany atap ótildi. Bul eldiń ınnovasııalar men zııatkerlik menshik quqyqtaryn qorǵaý salasyndaǵy joǵary damý deńgeıin kórsetedi.
Mınıstr Qazaqstannyń zııatkerlik menshikti ınnovasııalyq damýdyń mańyzdy quramdas bóligi retinde qarastyryp, ony quqyqtyq qorǵaýdy nyǵaıtýǵa umtylysyn atap ótti. О́z kezeginde Qytaı tarapy ózara is-qımyldyń oń serpinin atap ótip, yntymaqtastyqty odan ári tereńdetýge daıyn ekenin bildirdi.
Kezdesý sheńberinde «Bir beldeý, bir jol» bastamasynyń mańyzdylyǵyna erekshe nazar aýdaryldy. Bul bastama aıasynda Qazaqstan men Qytaı arasyndaǵy teń quqyly, ózara tıimdi jáne egemendikti qurmetteýge negizdelgen strategııalyq seriktestik damyp keledi.
Kezdesý joǵary deńgeıde qol jetkizilgen kelisimderdiń jalǵasy bolyp, zııatkerlik menshik salasyndaǵy ekijaqty yntymaqtastyqty keńeıtýge ózara daıyndyqty naqty rastady.
