Foto: BQO ákimdigi
Báıterek aýdanynyń Dostyq aýylynda 1200 oryndyq iri mekteptiń qurylysy qolǵa alynǵan. Zamanaýı pán kabınetterimen jabdyqtalatyn bul bilim ordasy aýyl balalaryna sapaly bilim alýǵa múmkindik bermek. Sonymen qatar, Baıqonys aýylynda 300 oryndyq mektep salynyp jatyr. Jańa oqý orny apatty jaǵdaıdaǵy mekteptiń ornyn basyp, oqýshylarǵa qaýipsiz jáne qolaıly jaǵdaı usynady.
Qurylys nysandarymen arnaıy tanysqan oblys ákiminiń orynbasary Qaıyrjan Mendiǵalıev pen oblystyq bilim basqarmasynyń basshysy Eldos Safýllın jobalardyń sapasyna jáne merziminde aıaqtalýyna erekshe nazar aýdardy.
Oral qalasynda da oń ózgerister baıqalady. Jáńgir han kóshesinde 600 oryndyq mekteptiń qurylysy júrip jatyr. Bul joba qaladaǵy úsh aýysymda oqytý máselesin sheshýge baǵyttalǵan jáne óńirdegi bilim sapasyn arttyrýǵa yqpal etedi.
