Foto: Úkimettiń baspasóz qyzmeti
Semınar Memleket basshysy Qasym-Jomart Toqaevtyń monoqalalar ekonomıkasyn ártaraptandyrý jónindegi tapsyrmalaryn oryndaý aıasynda uıymdastyryldy. Qatysýshylar monoqalalardyń damý tendensııalaryn, ekonomıkanyń qurylymyn nyǵaıtý, sıfrlyq sheshimderdi engizý jáne turaqty damý joldaryn talqylady.
Sonymen qatar Saran qalasynyń tájirıbesi erekshe atap ótildi. Indýstrııalyq aımaq qurý arqyly qala monoqala mártebesinen shyǵyp, óńirlik damý draıverine aınaldy.
Osylaısha, Saranda qoldaý sharalarynyń nátıjesinde ekonomıkany ártaraptandyrýǵa yqpal etken Saran ındýstrııalyq aımaǵy quryldy.
2019-2024 jyldar aralyǵynda qalada ónerkásip óndirisiniń kólemi 5,6 ese ósti, óńdeý salasynyń úlesi 92%-ǵa jetti. Salyq túsimderi úsh ese ósti. Jańa zaýyttarda 2 myńnan astam jumys orny ashyldy, ári qaraıǵy jobalar taǵy 3,5 myńǵa jýyq jumys ornyn qamtamasyz etedi, bul jergilikti turǵyndardy da, basqa óńirlerdiń qyzmetkerlerin de tartady.
Jańa óndirister qurý jumyspen qamtýdyń ósýine jáne ShOB-ty damytýǵa, sondaı-aq qalalyq ınfraqurylym men turǵynúı qurylysyn jańǵyrtýǵa yqpal etedi.
Bıyl qala ekonomıkasyna 76 mlrd teńgeden astam ınvestısııa tartý josparlanǵan.
Jalpy, Qazaqstanda óńirlerdi qoldaýdyń júıeli sharalaryn júzege asyrý nátıjesinde monoqalalar sany 27-den 20-ǵa deıin qysqardy, bul iri óndiristerdiń jáne ekonomıkanyń ózge de túrli baǵyttarynyń ósýin bildiredi.
Semınar-keńes qorytyndysy boıynsha qatysýshylar Saran qalasyndaǵy birqatar ónerkásip jáne áleýmettik nysandardy aralady.
Qazirgi ýaqytta Qaraǵandy oblysynda tórt monoqala bar – Temirtaý, Shahtınsk, Abaı jáne Balqash, onda 340 myńǵa jýyq adam turyp jatyr, bul óńir halqynyń úshten birin quraıdy. О́ńirdegi ónerkásip óndirisiniń jartysyna jýyǵy monoqalalar úlesine tıesili.
