Foto: Aqorda
Prezıdenttiń aıtýynsha, Ortalyq Azııa óńiri energetıkalyq resýrstar men strategııalyq shıkizat qoryna baı, bul ony jahandyq energetıkalyq naryqtaǵy mańyzdy oıynshyǵa aınaldyrady.
«Álemdegi ýran qorynyń 20 paıyzy, munaıdyń 17 paıyzdan astamy, tabıǵı gazdyń 7 paıyzy, sondaı-aq sırek kezdesetin metaldardyń mol keni Ortalyq Azııada shoǵyrlanǵan. Iаǵnı bul saladaǵy áleýetimiz orasan zor. Biz ozyq tehnologııalar almasýǵa jáne energetıka ınfraqurylymdaryn jańǵyrtýǵa nıettimiz. Sondaı-aq aımaqtyń energetıkalyq qaýipsizdigin nyǵaıtýǵa, tehnologııalyq turǵydan ilgerileýge jáne qýat kózderin ártaraptandyrýǵa mán bergen jón», dedi Qasym-Jomart Toqaev.
Memleket basshysy Qytaıdyń ıadrolyq energetıkadaǵy tabysty tájirıbesine erekshe toqtalyp, bul salada strategııalyq áriptestik ornatýǵa Qazaqstan múddeli ekenin jetkizdi.
«Qytaı Halyq Respýblıkasynyń ıadrolyq energetıkany damytýdaǵy baı jáne tabysty tájirıbesin eskere otyryp, atalǵan strategııalyq salada ornyqty yntymaqtastyq ornatýǵa múddelimiz. Jýyq arada kelisimge qol qoıýǵa daıyndalamyz», dedi Prezıdent.
