YouTube jelisinde jarııalanǵan vıdeoda áıel úı jaǵdaıynda ótkizgen «tájirıbesin» kórsetti: ol arnaıy nıtrat ólshegish qurylǵynyń kómegimen qarbyzdaǵy zııandy zattardyń mólsherin anyqtamaq bolǵan. Onyń aıtýynsha, bul qural nıtrat pen nıtrıttiń quramyn anyqtaıdy.
– Bıylǵy alǵashqy qarbyzdy satyp aldyq. Árıne, ony nıtrat pen nıtrıtke tekserý kerek. Qazir nıtratólshegishti qosamyz. Jeýge jaraı ma, joq pa, qarap kóreıik. Nıtrattyń mólsheri shamadan tys joǵary. Norma – 60, al munda – 890! Masqara! Árıne, muny qoqysqa tastaımyz. Aqsha jelge ushty, – deıdi áıel daýysy kadr syrtynda.
Nıtrattar men nıtrıtter – bul beıorganıkalyq hımııalyq qosylystar, ıaǵnı azot qyshqyly (HNO3) men azotty qyshqyldyń (HNO2) tuzdary men efırleri. Olar adam aǵzasyna taǵam, sý, shyryn jáne sút arqyly túsedi. Aǵzadaǵy fermentter men ishek pen aýyz qýysyndaǵy keıbir bakterııalardyń áserinen artyq nıtrattar áldeqaıda ýly nıtrıtterge aınalady.
