Oqýdan ótken 39,4 myń jumyssyz azamattyń 10,4 myńǵa jýyǵy negizinen Túrkistan, Almaty, Qostanaı oblystary men Shymkent qalasynyń jastary. Platforma iske qosylǵannan bastap avtorlar túrli baǵyt boıynsha myńnan astam kýrs jarııalaǵan. Onyń 332-si tegin. Budan ózge Courstore, Fluent Education jáne Iаndeks Qazaqstan seriktesteriniń kýrstary bar. Platformadaǵy kez kelgen kýrstyń uzaqtyǵy 1-den 72 saǵatqa deıin bolýy múmkin. Mamyr aıynda jıi suranysta bolǵan kýrstardyń ishinde «Seniń mansabyńdaǵy qadam: «Elektrondyq eńbek bırjasyn qalaı paıdalanamyz», «Motion design», «Saqtandyrý agenti» syndy sabaqtar bar. Platformada bilim berý, tárbıeleý, áleýmettik qyzmet kórsetý taǵysyn-taǵy saladaǵy túrli mamandyqtar boıynsha tegin kýrstar sany únemi artyp otyrady.
Skills Enbek qosymshasy halyqtyń bilim deńgeıi men kásibıligin arttyrýǵa, mansaptyq damýdy yntalandyrýǵa, «О́mir boıy oqytý» tujyrymdamasyn ilgeriletýge baǵyttalǵan. Marketpleıs qyzmetter naryǵy qaǵıdaty boıynsha onlaın kýrstarǵa qol jetkizýdi usynatyn halyqaralyq oqytý alańdaryna uqsas qurylǵan. Kýrstar elektrondyq eńbek bırjasynda (enbek.kz) qoljetimdi. Platformada bilim alýshy oqýdy ózine yńǵaılaı alady. El azamattary kóp kýrstyń ishinen ózine keregin tańdaǵan soń, oqý úderisin baqylap, tipti kýrs avtorlarymen jyldam baılanysa alady. Paıdalanýshylarǵa jasandy ıntellekt kómegimen chat-bot qoljetimdi. Oqý aıaqtalǵan soń bilim alýshy 70% shekti deńgeımen test tapsyrýǵa tıis. Onlaın kýrsty sátti aıaqtaǵandar ǵana daǵdylardy ıgergenin rastaıtyn sertıfıkat alady.
