Qyzmetkerler – basty qundylyǵy
– Bul kásipke degen qyzyǵýshylyǵym osydan 15 jyl buryn Qytaıǵa sapar barysynda bastaldy. Erekshe qolóner buıymdaryn egde jastaǵy er adamnyń tigip otyrǵanyn kórgenimde, tańdanysymda shek bolmady. Elge kele salysymen jańa kásipke kirisip kettim, – deıdi.
Kezinde bir ǵana tigin mashınasymen bastalǵan kásiporynda búginde 10-nan astam mashına jumys istep tur. Sehta 8 adam eńbek etedi. Arnaıy kıimderge tapsyrys alatyn kásiporyn ónimderine suranys qaladaǵy memlekettik, jekemenshik aýrýhana men emhanalardan, dámhana men meıramhanalardan túsedi. Kásiporyndaǵy jumystyń jandanýy ásirese, maýsymdyq tapsyrystarmen tyǵyz baılanysty. Kásipkerdiń aıtýynsha, ár maýsym jańa múmkindikke jol ashady. Sondaı kezeńderdiń birinde 20 kúnniń ishinde 4 myń kórpe tigip, rekordtyq tapsyrys oryndaǵan kezder de bolypty. Ýaqyt óte kele saýda núktesin ashyp, turaqty klıentter bazasyn qalyptastyrǵan kásipker búginde shaǵyn kásiptiń násibin kórip otyr.
Qyzmetkerleri arnaıy salynǵan tegin baspanalarda turady. Kommýnaldyq shyǵyndardy da kásipker óz jaýapkershiligine alǵan. Erkin jumys kestesi, laıyqty jalaqy, adamgershilik qarym-qatynas – bul ujymnyń negizgi qaǵıdattary. Áleýmettik jaǵdaı jasalsa, jumyskerdiń yntasy da artady, tııanaqty jumys isteýge barynsha tyrysady. Osy kásiporynda 8 jyldaı jumys istep, sonyń arqasynda jer alyp, úı salǵan mamandar da barshylyq. Kórshilerin de turaqty jumyspen qamtyp otyrǵan kásipker olardyń ýaqytyn únemdeýine, otbasyna ýaqtyly kóńil bólýine jaǵdaı qarastyrǵan.
KMF – senimdi seriktes
Jazıra Orazqyzy KMF kompanııasymen 2010 jyldan beri turaqty jumys istep keledi. О́z kásibin damytý úshin osy kompanııadan alǵash ret nesıe rásimdep, Bishkekten qajetti qural-jabdyqtar satyp alǵan. Jaqynda KMF-tiń «Isker hanym» baǵdarlamasy arqyly taǵy da nesıe alyp, óndiristi keńeıtip, jańa kásipkerlik bastamalaryn damytýdy kózdep otyr.
– Kásip júrgizý úshin qomaqty qarajat kerek. Sol qarajatty 15 jyldan bergi aralyqta KMF-ten alyp kelemin. Jaqynda «Isker hanym» baǵdarlamasy arqyly nesıe aldym. Kompanııanyń qoldaýynyń arqasynda maǵan jáne otbasy múshelerime bilikti dárigerlerden tegin keńes alýǵa, bıznesti damytýǵa, jetildirýge qajetti kýrstar, trenıngterge qatysý múmkindigi berildi. Nesıeni óteýde jeńildik merzimi qarastyrylǵan. Bilim arttyrýǵa, kásibimizdi damytýǵa qoldaý kórsetip jatqan KMF kompanııasyna alǵystan basqa aıtarym joq. KMF maǵan jáne qyzmetkerlerime kómek kórsetip, ortaq isimizdiń alǵa basýyna yqpal etip keledi, – deıdi kásipker.
KMF – otandyq naryqta 27 jyldan astam ýaqyttan beri jumys istep kele jatqan qarjy uıymy. Shaǵyn jáne orta kásipkerlikti qarjylandyratyn KMF-tiń elimiz boıynsha 17 fılıaly jáne 122 bólimshesi bar. Klıentterdiń basym bóligin áıelder quraıdy. Kompanııa qurylǵaly beri 465 myńnan asa áıelge nesıe berilip, keıingi bir jylda kásibin damytýǵa 76 myńnan asa áıel nesıe alǵan.
Jazıra hanym kásipkerliktiń otbasyna da, aınaladaǵy jandarǵa da kómegi kóp ekenin aıtady. Kásibiniń arqasynda bala oqytyp, áleýmettik jaǵdaıyn jaqsartty. Shetelderge saparǵa shyǵyp, demalýǵa da ýaqyt taýyp júrgen isker áıel eńbek bar jerde bereke bar deıdi. Eń bastysy – óz isińdi jaqsy kórip, baǵalaı bilý.
Jazıra Orazqyzynyń kásipkerlik joly – eńbek pen turaqty damýdyń jarqyn úlgisi. Ol tek bıznes júrgizip qana qoımaı, aınalasyna da ıgilikti isimen yqpal etip otyr. Isker áıeldiń tájirıbesi óz isin bastaýǵa nıetti jandar úshin erekshe shabyt beredi.
ALMATY
