Elimizde zańsyz ıemdenilgen aktıvterdi memleket menshigine qaıtarý jumystary jalǵasýda. Memleket basshysy Qasym-Jomart Toqaevtyń tapsyrmasy boıynsha bul qarajat búkil el boıynsha júzdegen áleýmettik nysan qurylysy men jańǵyrtý jumystaryna jumsalady.
Basty nazar áleýmettik mańyzdy ınfraqurylymǵa aýdarylady
Qaıtarylatyn qarajat Qarjy mınıstrliginiń janynan qurylǵan Arnaýly memlekettik qorǵa túsedi.
Búginde jalpy somasy 318 mlrd teńgeni quraıtyn 406 joba qarjylandyrýǵa bekitildi. Sonyń ishinde 333 joba iske qosylady. Olardyń qatarynda 9 bilim berý nysany, 3 sporttyq keshen, 162 densaýlyq saqtaý jobasy jáne 159 sýmen qamtý júıesine qatysty bastama bar.
Barlyq joba Memleket basshysynyń áleýmettik mańyzy bar ınfraqurylymdy damytý jónindegi tapsyrmasy aıasynda júrgiziledi. Bilim berý nysandary sapaly bilimniń qoljetimdiligin arttyrýǵa yqpal etedi. Sport nysandary buqaralyq sportty damytýǵa jáne salaýatty ómir saltyn qalyptastyrýǵa baǵyttalǵan.
Shalǵaıdaǵy eldi mekenderde medısınalyq kómek kórsetý úshin «Aýylda densaýlyq saqtaýdy jańǵyrtý» baǵdarlamasy aıasynda medısınalyq mekemeler qurylady. Sý qubyry jelileriniń qurylysy 2025 jylǵa deıin elimizdiń barlyq qalasy men aýylyn 100% taza aýyz sýmen qamtamasyz etýdiń strategııalyq maqsatyna sáıkes keledi, bul – halyqtyń turmys sapasyn jaqsartý jolyndaǵy mańyzdy qadam.
Jańa qurylys nysandary boı kóteredi
О́ńirlerde qaıtarylǵan aktıvter qarajaty esebinen bilim berý mekemeleri, sport keshenderi, densaýlyq saqtaý jáne sýmen jabdyqtaý nysandarynyń qurylysy belsendi túrde jalǵasyp keledi.
Astanada eski stadıonnyń ornyna Q.Muńaıtpasov atyndaǵy jańa stadıon salynady. Jabyq sport ǵımaraty múgedektigi bar azamattarǵa arnalǵan oryndardy qosqanda, 3598 orynǵa eseptelgen. Qurylys UEFA halyqaralyq standarttaryna sáıkes júrgiziledi.
Almatyda qaıtarylǵan qarajat esebinen sýmen jabdyqtaý júıesin salý boıynsha 9 joba iske qosylady.
Shymkent qalasyndaǵy «Saıram kómekshi mektep-ınternat-kolledji» kesheniniń tárbıelenýshileri úshin qaıtarylǵan qarajatqa 300 oryndyq jataqhana salynady.
Shyǵys Qazaqstan oblysynda qaıtarylǵan aktıvterge aýqymdy joba júzege asyrylýda. Memleket basshysynyń tapsyrmasy boıynsha Arnaýly memlekettik qordan Gematologııa ortalyǵynyń qurylysyn aıaqtaýǵa qarajat bólindi. Medısınalyq mekemede 2 ǵımarat: 148 oryndyq stasıonar jáne 24 tósek-oryndyq klınıkanyń pasıentterine arnalǵan qonaq úı josparlanǵan.
Bas ǵımaratta zamanaýı medısınalyq jabdyqtarmen zerthanalar, radıasııalyq dıagnostıka, kardıologııa, kardıohırýrgııa, gematologııa, súıek kemigin transplantasııalaý jáne kúrdeli somatıka bólimsheleri jabdyqtalady. Jańa Ortalyq naýqastarǵa emdeýdiń jáne ońaltýdyń ozyq ádisterine qol jetkizýge múmkindik beredi.
Sonymen qatar qaıtarylǵan aktıvter esebinen óńirde taǵy 8 joba iske asyrylýda, onyń 2-eýi – densaýlyq saqtaý jáne 6-aýy – sýmen jabdyqtaý salasynda.
Soltústik Qazaqstan oblysynda búginde óńirdi sýmen jabdyqtaýdy jaqsartýǵa baǵyttalǵan jobalar júzege asyrylyp jatyr. Arnaýly memleket qor qarajaty esebinen Sokolov, Býlaev jáne Presnovskıı toptyq sý qubyrlaryn qaıta jańartý, sondaı-aq Kókshetaý toptyq sý qubyryna qosylǵan Aıyrtaý aýdany men Shal aqyn aýyldyq eldi mekenderine jańa sý qubyrlary men burmalar salý júrip jatyr.
Qaraǵandy oblysynda 7 aýdanda 51 densaýlyq saqtaý obektisin – dárigerlik ambýlatorııalardy, sondaı-aq feldsherlik-akýsherlik jáne medısınalyq pýnktterdiń qurylysy josparlandy.
Aqmola óńirinde turǵyndardyń ómir súrý sapasyn arttyrýǵa baǵyttalǵan 38 joba qolǵa alynyp, densaýlyq saqtaý, sýmen jabdyqtaý jáne sport salalaryn qamtyp otyr. Qaıtarylǵan aktıvter esebinen eki medısınalyq nysan ashyldy. Arshaly aýdanynyń Arnasaı aýylynda 2 myńnan astam adamǵa qyzmet kórsetetin dárigerlik ambýlatorııa paıdalanýǵa berildi, al Bulandy aýdanynyń Altyndy aýylynda feldsherlik-akýsherlik pýnkt salyndy. 1 myńnan astam azamaty bar úsh eldi mekenniń turǵyndary ýaqtyly medısınalyq kómekke sene alady.
