El qarjysynyń qaıda, qalaı jumsalǵanyn baqylaý – Parlamenttiń basty mindetteriniń biri. Osy oraıda Májilis otyrysynda Qazaqstan Úkimetiniń jáne Joǵary aýdıtorlyq palatanyń 2024 jylǵy respýblıkalyq bıýdjettiń atqarylýy týraly esepteri qaraldy.
Depýtattardyń syn-eskertpeleri men usynystary aıtylǵan bul qujattar Parlamenttiń joǵarǵy palatasyna – Senatqa joldandy. Sonymen qatar Qarjy jáne bıýdjet komıtetine esepterge qatysty qosymsha baıandama ázirleý tapsyryldy. Bul qujatta Májilistiń turaqty komıtetteriniń qorytyndylary men jalpy otyrys barysynda kóterilgen pikirler eskeriletin bolady.
Al Parlament Palatalarynyń birlesken otyrysynda negizgi baıandamamen qatar qosymsha mazmundy túsindirýdi Májilis depýtaty Ulasbek Sádibekov júrgizedi dep belgilendi.
Aıta ketý kerek, respýblıkalyq bıýdjettiń oryndalýyna qatysty jyl saıynǵy esepter – el qazynasynyń qanshalyqty tıimdi jáne maqsatty jumsalǵanyn kórsetetin mańyzdy qujattar. Bul rette depýtattyq korpýstyń baqylaý qyzmeti men jarııaly talqylaý – memlekettik qarjynyń ashyqtyǵy men ádilettiligin qamtamasyz etýdiń birden-bir joly.
