Krasnoıar aýylynda osyǵan oraı arnaıy rásim uıymdastyrylyp, oǵan jaýyngerdiń 90-ǵa taıaǵan qyzy Nurzııa Tańqybaıqyzy qatysty. Tańqybaı Imanberdın 1900 jyly burynǵy Kókshetaý oblysy, Kókshetaý aýdanyna qarasty Bıiktesin aýylynda dúnıege kelgen. Soǵys bastalǵanda bozbala eki baýyrymen birge Otandy jaýdan qorǵaýǵa attanǵan. Eki baýyry da sol soǵysta qaza taýyp, iz-túzsiz joǵalyp ketken.
– Bul jaı ǵana topyraq emes, erlik pen taǵdyrdyń únsiz kýási, – deıdi jaýyngerdiń nemeresi Ǵalııa Rahymberlına, – bir ýys topyraq júregimizde barshamyzǵa atamyzdyń erligin, Otanǵa degen súıispenshiligin, jankúıer patrıottyq sezimin júregimizge uıalatady. Búgin bir ýys topyraqpen atamyzdyń aty eline, týǵan jerine qaıtyp oraldy.
Tańqybaı Imanberdın 228-shi atqyshtar polkynyń quramynda jaýmen shaıqasqan. Soǵysqa attanǵanda jubaıy Kúlbaram qolynda eki qyzymen qalypty. Jyldar óte kele sol urpaqtary jergilikti bılik pen áskerı mekemelerge júginip, jaýynger týraly aqparat izdeı bastaıdy. Dál osy sátte kómekke «Kókshe-Izdeý» áskerı-patrıottyq izdestirý klýby kelgen. Jyldyń basynda otbasy Karelııa Respýblıkasynyń Sýoıarvı qalasynda ornalasqan úlken qabirden bir ýys topyraq alyp keldi.
Bul rásim – urpaqtyń ata-babasynyń aldyndaǵy paryzy, tarıhqa qurmet, el men erdiń arasyndaǵy kıeli baılanystyń kórinisi. Otan úshin ot keshken ardaqtylardyń rýhy el júreginde máńgi saqtalady.
Kókshetaý.
