Aınalasy qaraǵaımen qorshalǵan, qalanyń ý-shýynan alys jerde 300-ge jýyq maral mekendegen sharýashylyq bar. Olardyń barlyǵy maral ósirý dástúrimen tanymal Shyǵys Qazaqstan óńirinen ákelindi. Maral múıizi halyqtyq jáne dástúrli medısınada ejelden qoldanylyp keledi. Sharýashylyqta arnaıy emdeý baǵdarlamalary bar, munda jergilikti turǵyndar ǵana emes, shetelden de qonaqtar keledi.
–Men Qostanaıda turamyn. Býrabaı baýraıyna jolymyz túsken. Osy jerde maral fermasyn tamashalap, tánti boldyq. Bul ólkeniń sulýlyǵyn estisem de, tamasha tabıǵatynyń qoınaýynda osyndaı ań bar ekenin bilmeppin. Aldaǵy ýaqytta basyn kóbeıtip, tabıǵı qazynany baıyta tússe, jarasymdy bolar edi, – deıdi demalýshy Aqbaıan Báıisheva.
Biregeı ferma búginde ekotýrızm men shıpaly tabıǵat úılesken naǵyz demalys ornyna aınalǵan.
Aqmola oblysy,
Býrabaı aýdany.
