Tyńdaýshylar ortalyq memlekettik organdar men jergilikti atqarýshy organdardyń ókilderi boldy. TJM aýmaqtyq bólimsheleriniń bazasynda 4 myńǵa jýyq tyńdaýshy men 600 volonter oqytyldy.
Dúnıejúzilik Azamattyq qorǵanys kúni aıasynda túrli tótenshe jaǵdaılar kezindegi is-qımyl tártibi týraly halyqtyń habardarlyq deńgeıin arttyrýǵa baǵyttalǵan aýqymdy is-sharalar ótkizildi. TJM aýmaqtyq bólimsheleriniń is-sharalardy iske asyrý kezinde daıyndyqtyń joǵary deńgeıin jáne kreatıvti tásildi kórsetken bastamalary erekshe nazar aýdarýǵa turarlyq. Imıdjdik is-sharalardy iske asyrý azamattarǵa aqparatty tıimdi jetkizýge ǵana emes, sonymen qatar halyqtyń shuǵyl jaǵdaılarda is-áreketke daıyndyǵynyń jalpy deńgeıin arttyrýǵa yqpal etedi.
Halyqaralyq balalardy qorǵaý kúni qarsańynda respýblıka boıynsha «Bala qaýipsizdigi – basty nazarda» uranymen aýqymdy profılaktıkalyq aksııa ótti. Uıymdastyrýshylar – QR Tótenshe jaǵdaılar Mınıstrligi jáne onyń aýmaqtyq bólimsheleri – balalardy qaýipsizdik negizderine oqytýǵa, qutqarýshy mamandyǵyn dáripteýge jáne ómir men densaýlyqqa uqypty qaraý mádenıetin nyǵaıtýǵa baǵyttalǵan 100-den astam is-shara ótkizdi. TJ departamentteriniń qyzmetkerleri elimizdiń barlyq óńirlerinde ınteraktıvti sabaqtar, sheberlik synyptary, kórme qoıylymdary, konkýrstar, vıktorınalar men tehnıka kórmelerin uıymdastyrdy. Aksııaǵa myńdaǵan balalar men ata-analar, sondaı-aq eriktiler, mektep pedagogtary, Apattar medısınasy ortalyqtarynyń qyzmetkerleri jáne ÚEU ókilderi qatysty.
Sonymen qatar, respýblıkalyq jáne óńirlik deńgeılerde mektep parlamentteriniń «Tótenshe jaǵdaılar mınıstrlerimen» jumys belsendi júrgizilýde. Osy jumys aıasynda oqýshylardy kúndelikti ómirge sáıkes keletin ómirlik qaýipsizdik máselelerin sheshýge daıyndaý boıynsha is-sharalar uıymdastyrylady.
Mınıstrliktiń azamattardy tótenshe jaǵdaılar kezindegi is-qımyldarǵa oqytýdy uıymdastyrý boıynsha júrgizgen jumysy oń nátıje beredi. Qaýipsizdik máselelerine qyzyǵýshylyq artyp keledi.
