Megapolıs mereıi

Naýryz alańyndaǵy «Orkestrler she­rýi» festıvali tuń­ǵysh ret Shymkentte ótip otyr. Oǵan elimizdiń túkpir-túkpirinen ártúrli mýzykalyq ujymdar qatysty.

Qalalyq fılarmonııanyń Ult-aspaptar, Opera jáne balet teatrynyń sım­fo­nııa­lyq orkestri Sydyq Mu­hamedjanovtyń «Shattyq Otany» shyǵarmasyn oryndap, festıval shymyldyǵyn túrdi. Qos orkestrdiń qos dırıjermen óner kórsetýi  kórermendi ystyq yqylasqa bóledi. Ult-aspaptar orkes­tri­men qosa, kameralyq, es­tradalyq, úrmeli jáne djaz orkestrleri de óz ónerlerin kópshilikke pash etti.

Uıymdastyrýshylar mun­daı aýqymdy mádenı is-sha­ra budan bylaı úshinshi megapolıste turaqty túrde jal­ǵasyn tabatynyn jetkizdi. Osynaý qyzyqty festıval 18 maýsym kúni orkestrler arasyndaǵy mýzykalyq «aıtys­pen» qo­rytyndylandy.

Sonymen qatar mereke aıasynda Pýshkın atyndaǵy qalalyq kitaphanada «Shym­kent – qyzǵaldaqtar qalasy» atty halyqaralyq sýretshiler sımpozıýmy bastalady. Oǵan Qyrǵyzstan, О́zbekstan, Reseı, Túrkııa elderinen jáne respýb­lıkamyzdyń ártúrli óńirinen belgili qylqalam she­berleri qatysady dep kúti­lip otyr. Adamnyń jandúnıesin qylqalammen terbetken sý­retshiler sımpozıým barysynda shahardyń eń kórikti jerlerin áýelgide aq kenepke beınelese, keıin 45 kartına qalalyq mýzeı qoryna tabys­talady.

Sondaı-aq Qala kúni qar­sańynda Naýryz alańynda ótken «Otbasy Fest» merekelik is-sharasynda birneshe ot­basyna páter kiltteri tabys etildi. Turǵyndardyń bas­pa­naly bolýyna «Otbasy bank» iske qosqan óńirlik «Qam­qor» baǵdarlamasy septigin tıgizdi. Jeńildetilgen nesıe­ge negizdelgen osy baǵ­dar­lamanyń kómegimen jıyrma otbasy baspanaly boldy.

Barlyq turǵyn úı̆ sha­hardyń ınfraqurylymy damyǵan aımaǵynda orna­lasqan. Jaýapty sala maman­darynyń aıtýynsha, dál qazirgi tańda «Qamqor» óńirlik baǵdarlamasy turǵyndardy baspanaly etýdiń eń biregeı̆ ári tıimdi jobasy bolyp tabylady. Aıta ketken jón, búginge deıin Shymkent qala­sy ákimdiginiń óńirlik baǵdar­lamasy arqyly 368 turǵynǵa baspana berilgen eken.

ShYMKENT