Aqtyq saıysqa iriktelip shyqqan 350 bala horeografııa, vokal, aspaptyq janr, dástúrli án jáne áleýmettik beıne atalymdary boıynsha synǵa tústi. Daryndy balalardyń óner jolyndaǵy qadamdaryna serpin beretin jobany «Kaspıı Qubyr Konsorsıýmy-Q» AQ uıymdastyrdy. Gran-prı ıegerleri Máskeý qalasynda ótetin aqtyq saıysqa joldama aldy.
Úsh balasyna qosa 25 jetim balany baýyryna basqan О́mirhan Jetesov pen Amangúl Eshpanova birneshe jyl buryn «Shashý» otbasylyq ansamblin quryp, qazaqtyń dástúrli án-kúıin nasıhattaýmen aınalysa bastaǵan edi. Búginde olardyń jeti balasy – Astanadaǵy joǵary oqý oryndarynyń stýdentteri.
Er jetip, azamat bola bastaǵan úlkenderimiz kishilerine úlgi bolyp júr. Qýanatynymyz, baýyrymyzǵa basqan 25 jetim balanyń 23-i qazaqtyń ulttyq aspaptarynda oınap, kúı shertip, án salady, terme aıtady. О́zimiz dástúrli ónerde júrgen soń balalarymyzdy da osy baǵytta tárbıeledik. Án men kúıdi súıetin balalar ósirgenimizge anasy ekeýmiz qýanamyz. Bul tókken ter men qajyrly eńbektiń nátıjesi. О́nerde júrgen bala eshqashan da tentek bolmaıdy», deıdi kópbalaly áke О́mirhan Jetesov.
Aqtóbe oblysy
