Foto: Úkimettiń baspasóz qyzmeti
Kezdesý aıasynda Proton Holdings kompanııasynyń Qazaqstanda elektromobılder shyǵarý jospary nazarǵa alyndy. Malaızııanyń mashına jasaý salasyndaǵy kóshbasshysy sanalatyn kompanııa qazirgi tańda ishten janý qozǵaltqyshtary bar avtokóliktermen qatar, elektromobılderdi de óndirip, 26-dan astam elge eksporttap otyr. Sonymen qatar kompanııanyń zamanaýı transmıssııalar men kólik quraldaryn ázirleý, jobalaý jáne ınjenerlik zertteý ortalyǵy jumys isteıdi.
Oljas Bektenov Memleket basshysynyń tapsyrmasyna sáıkes, óndiristi lokalızasııalaý, jańa jumys oryndaryn ashý jáne mashına jasaý salasyn damytý boıynsha júıeli jumystar júrgizilip jatqanyn atap ótti. Investısııa tartý jáne jańa óndiris oryndaryn ashý Qazaqstan ekonomıkasyn ártaraptandyrý jáne ornyqty ósýi úshin mańyzdy mánge ıe. Osy jyldyń birinshi toqsanynda atalǵan salaǵa 55 mlrd teńge ınvestısııa tartylǵan. 2024 jyly ınvestısııa kólemi 2 esege – 282 mlrd teńgege jetken.
Kezdesý barysynda Úkimettiń jobany júzege asyrýǵa tolyq qoldaý kórsetýge daıyn ekeni málimdeldi. Ásirese, ǵylymı-tehnıkalyq áleýetti damytý maqsatynda zertteý jáne tájirıbelik-konstrýktorlyq jumystar baǵytynda birlesip jumys isteýdiń mańyzdylyǵy atap ótildi.
Proton Holdings bas dırektory Chýnrong Lı Qazaqstanda ınvestorlar úshin qolaıly jaǵdaı jasalǵanyn aıtyp, otandyq naryqqa shyǵýǵa kompanııanyń qyzyǵýshylyq bildirip otyrǵanyn jetkizdi.
Kezdesý qorytyndysynda taraptar ózara tıimdi yntymaqtastyqty damytýǵa nıetti ekenderin bildirdi. Jobany iske asyrý úshin QR О́nerkásip jáne qurylys mınıstrligine arnaıy Jol kartasyn ázirleý tapsyryldy.
