Úmitimiz úlken

Bekzat ALTYNBEKOV, Jezqazǵan qalalyq máslıhatynyń depýtaty. Elbasynyń alǵa qoıǵan aıqyn mindetteri, naqty tapsyrmalary, halyq­qa artqan senimi bárimizdi árkez qanat­tandyryp otyrady. Damý­dyń dań­ǵyl jolyn jańǵyrtýshy Qazaq­stany­myz­dyń qadamy qaryshty bola túspektigi qýan­tady. Alda keshegiden de bıik asýlar tur­ǵandyǵy jańa 5 ınstıtýttyq refor­many iske asyrýǵa kirisýdi kórsetip otyr. Osyǵan oraı, Jańǵyrtý jónindegi ulttyq komıssııa qurylýyn qoldaımyz. Atalǵan qurylym qyzmeti ar­qyly memlekettik organdardyń, shaǵyn jáne orta bıznestiń, azamattyq qoǵam­nyń is-qımyly úılesim tabýy arta túseri sózsiz. 2003 jyldan bastap jeke kásipker retinde tirkelip, sharýashylyq júrgizýde osy salany jetildirýge memleket tarapynan barynsha múmkindik jasalyp kele jatqanyna kýámin. Sonyń sharapaty jezqazǵandyq áriptesterim­deı maǵan da tıdi. Qalada turǵyndarǵa turmys­­­tyq qyzmet kórse­tetin oryndarmen qatar Bıznes jáne kólik kolledjin ashýǵa mu­ryndyq bolýym osy salanyń ma­man­daryn daıarlaýǵa septigin tıgizip júr. Elbasynyń tapsyrmasymen salyn­ǵan Jezqazǵan – Beıneý temirjolyn­­da jumys isteýshilerdiń basym bóligi – biz­diń túlekter. Komıssııanyń reformany oryndaý úshin qajetti barlyq ózekti máselelerdi tereń talqylap, baıypty baqylap, umtylysqa úlken qozǵaý salar sheshimder qabyldaıtyn qurylym bolatynyna senemiz. Kúterimiz de, tileýimiz de sol. JEZQAZǴAN.