«Egemen» tilshisi – chempıon!

Aqparat aıdynyndaǵy 90 jyldyǵyn toılaǵan basy­lymnyń mereıtoıyna oraı uym­dastyrylǵan týrnırde res­pýblıkalyq «Egemen Qazaq­stan» gazetiniń Jambyl obly­syn­daǵy menshikti tilshisi, BAQ ókil­deri arasyndaǵy básekelerdiń birne­she dúrkin chempıony Tabıǵat Musyl­man­qul jeńistiń bıik tuǵyrynan kórindi.

Týrnır barysynda 6 kezdesý ótkizgen áriptesimiz qarsylastarynyń barlyǵynan aılasyn asyryp, jarys jeńimpazy atandy. Al ekinshi oryn «Astana» telearnasynyń Jambyl oblysyndaǵy menshikti tilshisi Berik Jumabaıulyna buıyrsa, úzdik ú­sh­tik­ti qordaılyq Nurbolat Satymqul tú­ıindedi.

Saltanatty is-sharada bılıard týrnıriniń jeńimpazdarymen birge «Shýaqty Shý óńirim – qut mekenim» taqyrybynda ótken shyǵarmashylyq baıqaýdyń jeńimpazdary men júlde­gerleri de marapattaldy. Sondaı-aq jergilikti qalamgerler marqum Áldı­han Qaldybaevtyń jáne aqyn Baqyt Isaevanyń ómir jolynan syr shertetin jańa jınaqtardyń tanystyrylymy ótkizildi.

Jeńimpazdar men júldegerler­ge qar­jylaı syılyqty tabystaǵan aýdan ákimi Ba­qytjan Jánibekovtiń aıtýynsha, mun­daı ıgi is-sharalar aldaǵy ýaqytta da jal­ǵasyn tappaq.

«Jergilikti basylymnyń mereıtoıyn joǵary deńgeıde ótkizýge aýdan basshysy aıryqsha qoldaý kórsetkenin aıta ketken jón» deıdi «Shý óńiri» gazetiniń bas redaktory Erǵalı Qartaıǵan.

Esen О́TEÝLI,

jýrnalıst

Jambyl oblysy,

Shý aýdany