Prezıdent Astanadaǵy nysandardy aralady

Memleket basshysy jeke ınvestordyń qarjysyna salynyp, bıyl paıdalanýǵa beril­gen kópfýnksııaly ǵımarat­tyń qyzmetimen tanysty. Elordada ornalasqan keshende túrli deńgeıdegi sporttyq is-shara­lar, sondaı-aq halyqqa arnal­ǵan saýyqtyrý jáne demalys baǵdarlamalary uıymdas­tyrylady. Nysan aýmaǵynda fýtzal, voleıbol men basketbol alańdary, boks, dzıýdo, qazaq kúresi jáne basqa da sport túrlerimen shuǵyldanýǵa arnal­ǵan jekpe-jek zaldary bar.

Prezıdent buqaralyq sportty damytý úshin osyndaı keshenderdi kóptep salý qajet ekenin aıtty. Sondaı-aq jas boksshylarmen jáne fýtbolshylarmen áńgimelesip, olardyń keleshekte álem, olımpıada chempıondary bolýyna tilektestik bildirdi.

– Bul úshin, eń aldymen, eńbek etý kerek, tabandylyq qajet. Jeńis­ke tek eńbekqorlyq qana jet­kizedi, – dedi Memleket basshysy.

Sodan soń Prezıdent Qasym-Jomart Toqaev «Dáýlet» MKQK tennıs ortalyǵynyń qyzmetimen tanysty. Keshende 600 bala, olardyń ishinde 85 oqýshy bıý­djet esebinen jattyǵady. Sondaı-aq munda 57 sporttyq-saýyqtyrý toby jumys isteıdi.

«Dáýlet» ortalyǵy – elor­da­daǵy balalar eń kóp baratyn, sonyń ishinde erekshe qajettiligi bar sportshylardy da qamtıtyn áleýmettik-sporttyq nysandardyń biri.

Bıyl mamyr aıynda orta­lyq bazasynda Azııa qurly­ǵynda alǵash ret Virtus World Tennis Championship 2025 – aqyl-oı kemistigi bar sportshylar arasynda tennısten álem birinshiligi ótti.

Osy kúni Memleket basshysyna «Stadler Kazakhstan» zaýyty shyǵarǵan alǵashqy jolaýshylar vagony tanystyryldy.

Jańa vagondardyń bas­ty artyqshylyǵy – jolaý­shylardyń jaılylyǵy men qaýipsizdigin arttyrýdy kózdeıtin zamanaýı ınjenerlik sheshimder. Qatań klımattyq jaǵdaıǵa beıimdelip jasalǵan vagondardy qoldaný merzimi – 40 jyl.

Kásiporyn kýpe, plaskart jáne qozǵalysy qıyn jolaýshylar úshin arnaýly vagondar shyǵarady. Bıyl 51 vagondy, al 2030 jylǵa deıin 557 jańa vagondy paıdalanýǵa berý jos­parlanǵan. Bul ulttyq tasy­maldaýshynyń vagon par­kin tolyǵymen jańartýyna múmkindik beredi. О́ndiristi lokalızasııalaýǵa qazaqstandyq kásiporyndar tartylǵan.

Prezıdent temirjol sa­lasynyń jumysshylarymen áńgimelesti.

Qasym-Jomart Toqaevqa temirjol qatynasy júıesin jańǵyrtý barysy jóninde esep berildi. Búkil el bo­ıynsha 125 vokzalǵa jóndeý jumys­tary júrgizilip jatyr. Halyq­aralyq seriktestermen birlesip, jolaý­shy tasymaldaý júıesindegi qyz­met kórsetý sapasyn art­ty­rý­ǵa jáne óńirlerdegi kólik baı­lanysyn jaqsartýǵa baǵyt­tal­ǵan sheshimder engizilip jatyr.

Atap aıtqanda, otandyq IT kompanııalar jolaýshylar­ǵa arnalǵan biryńǵaı sıfr­ly platforma ázirledi. Bul bılet satyp alýdan bastap týrıstik qyzmet kórsetýge deıingi kóptegen fýnksııany biriktiredi. Sondaı-aq po­ıyzdar spýtnıktik ınternetke qosylady. Qaýipsizdikti kúsheıtý maqsatynda vıdeotirkeýler, mobıldi termınaldar, jasandy ıntellekt tehnologııasy negizinde málimetterdi taldaýǵa qabiletti 4 myń kamera paıdalanylady.

Memleket basshysy barǵan kelesi nysan – MFA International kompanııasynyń elordadaǵy kásiporny. Bul – ındýstrııalyq respırator men gaztutqy shyǵarýda Túrkııadaǵy eń iri jáne Eýropadaǵy úshtikke enetin kompanııa.

2020 jyly pandemııanyń sharyqtaý shaǵynda MFA Maske kompanııasy qyzmet aýmaǵyn keńeıtý jóninde sheshim qabyldap, Qazaqstanǵa ınvestısııa quıǵan bolatyn. Astanada medısınalyq, ónerkásiptik res­pıratorlar, gazǵa qarsy ýlanýdan, sondaı-aq hımııalyq, bıologııalyq, radıologııalyq jáne ıadrolyq qaterden saq­taıtyn gaztutqy shyǵaratyn zaýyt qurylysyn bastady. Joba quny – 10 mln dollar. Kompa­nııanyń jeke ınvestısııasy esebinen salynyp jatyr.

Sonymen qatar Prezıdent medısınalyq maqsattaǵy buıymdar shyǵaratyn elordalyq kásiporyndar kórmesin tamashalady. Memleket basshysyna Heart Center Foundation qoǵamdyq qorynyń ókilderi Qazaqstandaǵy kardıohırýrgııa men transplantologııany damytý mıssııasy týraly áńgimeledi.

Qasym-Jomart Toqaevqa bıyl mamyr aıynda ALEM ınno­vasııalyq apparatyn shyǵa­ratyn zaýyt qurylysy bastalǵany jóninde aqparat berildi. Qazaqstandyq ınjenerler men UMC Júrek ortalyǵy dárigerleriniń biregeı jumysy zamanaýı transplantologııadaǵy basty másele sanalatyn donorlyq organdy saqtaý ýaqytynyń shekteýliligin sheshýdi kózdeıdi.

Júrektiń ıshemııalyq aýrý­larynyń túrli formalaryn emdeý isine Nazarbaev ýnıversıteti tehnoparkiniń bazasynda iske asyrylǵan joba da óz úlesin qospaq. «IHT Central Asia» JShS-i ıspanııalyq Iberhospitex S.A kompanııasynyń tehnologııasyn ákelip, ıntervensıaldy kardıologııada qoldanylatyn koronarlyq stent pen ballondyq katater óndirisin jolǵa qoıdy.

Eira Med farmasevtıkalyq kesheni Eýropa Odaǵy elderi men AQSh-tan keletin medısınalyq buıymdar ımportyn almastyrýmen jáne tehnologııany transferleýmen belsendi túrde aınalysady.

Buǵan qosa Prezıdentke Kazecotech kásipornynyń ǵylymı-tehnıkalyq jetistikteri kórsetildi. Keıingi úsh jylda kompanııa eń úzdik álemdik standarttarǵa saı keletin 250-den asa protez daıyndap, 500 adamdy Ottobock múgedek arbasymen qamtamasyz etken.

Kórmeni aralaǵan soń Qasym-Jomart Toqaev otandyq farmasevtıka ındýstrııasy men medısına buıymdary óndirisin damytýdyń mańyzyn atap ótti.

Budan keıin Memleket basshysy Orbis Heavy Machinery arnaıy jáne kommersııalyq tehnıka zaýytyna bardy. Qasym-Jomart Toqaev KIA markaly arnaıy jáne kommersııalyq tehnıkalar qurastyratyn zaýyt jumysymen tanysty.

Kásiporyn iske qosylǵan 2022 jyldan beri 700-den asa avtokólik shyǵarǵan. О́ndiriske quıǵan ınvestısııanyń jalpy kólemi 11 mlrd teńgeden asty. Munda óndirýshilerden jetkizilgen bólshekterdi dánekerleý, syrlaý, shanaq montajdaý jumystary atqarylady. Sonymen qatar kommersııalyq avtokólikterge arnalǵan qosymsha jabdyqtar ón­dirisi jolǵa qoıylǵan. 240 ma­man turaqty jumyspen qamtylǵan.

Kompanııa óndiristik qýaty men ónim túrin keńeıtý úshin basqa da halyqaralyq brendtermen kelissóz júrgizip jatyr.

Prezıdent eńbek ujymyna tabys tilep, KIA Bongo avtokóliginiń shanaǵyna estelik qoljazba qaldyrdy.

Sonymen qatar Memleket basshysy KazPan sendvıch-panel­derin óndiretin zaýyt­ty aralap kórdi. Qasym-Jomart Toqaevqa kásiporyn Kindus ońtústikkoreıalyq óndirisiniń joǵary tehnologııaly avtomat­tan­dyrylǵan jelisimen jabdyq­talǵany jóninde baıandaldy. Zaýyt jylyna 1,8 mln sharshy metrge deıin ónim shyǵara alady.

Munda zamanaýı jabdyq­tar­men jáne tehnologııamen ju­mys isteý úshin Kindus-tyń ınjenerlerdi oqytý kýrsy­nan ótken 50 maman eńbek ete­di. Búginde sendvıch-panelder ónerkásiptik, logıstıkalyq, ákim­shilik, sporttyq jáne basqa da ny­sandardyń qurylysyn júrgizýde suranysqa ıe ekeni aıtyldy.

Memleket basshysy eńbek ujymymen áńgimelesý barysynda zaýyttyń básekege qabilettiligin arttyrýǵa basymdyq beretinine jáne elimizdiń ınfraqurylymyn damytýǵa zor úles qosatynyna senim bildirdi.

Sondaı-aq Prezıdent Astana­daǵy «Myńjyldyq» alleıasyn abattandyrý jumystarymen tanysty. Qasym-Jomart Toqaevqa alleıanyń landshaftty damý jospary kórsetildi. Jospar qalanyń ońtústik bóligindegi 942 gektardy qamtıdy. Saraıshyq aýdanyndaǵy jelilik saıabaq turǵyn úıler kesheni men áleýmettik nysandar, mektepter, temirjol vokzaly, skverler, kósheler men jaıaý júrginshiler jáne velosıped joldarynyń arasyn jalǵaıdy.

Astana qalasynyń ákimi Jeńis Qasymbek vokzal mańyndaǵy saıabaq aýdannyń betkeustar múıisine aınalatynyn aıtty. Munda oıyn alańdary, amfıteatr jáne alleıalar salý josparlanǵan.Byltyr «Qazaq eli» alańynda aǵashtar egilip, dızaınerlik qaqpaqtar ornatyldy, shamdar men basqa da sáýlettik qalyptar jańartyldy. Bıyl eń áýeli Baıtursynuly, Nurmaǵambetov, Nájimedenov kósheleri men Táýelsizdik dańǵyly mańyndaǵy turǵyn úı keshenderin qamtıtyn jelilik saıabaqty abattandyrý jumystary bastalady.

Ákimniń aıtýynsha, qala damýynda Turan dańǵylynyń batys jaǵyndaǵy GreenLine býlvary erekshe mańyzǵa ıe. Shahardyń halyq tyǵyz ornalasqan aýdanymen jalǵaıtyn býlvarda velojoldar, balalar men sport alańqaılary, tynyǵatyn demalys aýmaqtary bolady.

Atalǵan jobalar qalany damytýdyń kóportalyqty mode­line sáıkes júzege asyrylady. Iаǵnı turǵyn úı, jumys, qyzmet kórsetý men rekreasııa oryndary qoljetimdi ári bir-birine jaqyn bolýǵa tıis.