Foto: Úkimettiń baspasóz qyzmeti
Keńes barysynda egis qurylymyn qazirgi ahýalǵa saı ózgertý, sýdy az qajet etetin daqyldarǵa kóshý jáne sý únemdeý tehnologııalaryn engizý máseleleri kóterildi. Sonymen qatar Sý resýrstary jáne ırrıgasııa mınıstri Nurjan Nurjigitov pen Túrkistan, Jambyl, Qyzylorda, Almaty jáne Jetisý oblystarynyń ákimderi júrgizilip jatqan jumystar týraly baıandady.
Bıylǵy jyly «Qazsýshar» mekemesi arqyly aýyl sharýashylyǵy óndirýshilerimen 22,5 myń kelisimshart jasalǵan, bul ótken jylmen salystyrǵanda 3 myńǵa kóp.
Shý, Talas jáne Syrdarııa ózenderiniń jaǵdaıy, sýdy ádil bólý, zańsyz sý paıdalanýmen kúres, sondaı-aq sýbsıdııalaý tetikteri de talqylandy. Sý únemdeý tehnologııalaryn qoldanatyn sharýalarǵa memleket tarapynan joǵary mólsherde sýbsıdııa qarastyrylǵan.
«Tıimdilikke, únemdilikke jáne vedomstvoaralyq kelisimdilikke basa nazar aýdara otyryp, sý táýekelderin aldyn ala basqarýǵa kóshý qajet. Oblys ákimderi sýmen jabdyqtaý uıymdarynyń egindik sýmen sharýalardy qamtamasyz etý, sýarý tehnologııalaryn saqtaý, sýarý rettiligi jáne kollektorlyq-drenajdyq sýdy qaıta paıdalaný jónindegi is-qımyldaryn úılestirýdi qamtamasyz etýi tıis. Sý únemdeý tehnologııalaryn engizý jumystaryn kúsheıtý qajet. Múddeli memlekettik organdar men fermerler birlestikteri ókilderiniń qatysýymen vegetasııalyq kezeńde sý táýekelderin basqarý jónindegi óńirlik shtabtar qurýdy tapsyramyn. Sýdy zańsyz paıdalanýdy baqylaýdy kúsheıtý jáne buzýshylyqtardy anyqtaý jumystaryn jandandyrý mańyzdy», Oljas Bektenov.
Sonymen qatar, mınıstrlikke shekaralas eldermen birlesip jumys isteý, sý berý lımıtterin naqty baqylaý jáne gıdrotehnıkalyq nysandardy jóndeý boıynsha mindetter júkteldi. Sý resýrstarynyń sandyq monıtorıngi endi spýtnıktik baqylaý jáne ınteraktıvti kartalar arqyly júzege asyrylatyn bolady.
Vegetasııalyq kezeńniń barysy Úkimettiń jiti baqylaýynda. Jumysty úılestirý Premer-mınıstrdiń orynbasary Qanat Bozymbaevqa júkteldi.
