Foto: Ashyq derekkóz
Jýrnalıstiń aıtýynsha, Aq úı Iran aýmaǵyna keń aýqymdy bombalaý operasııasyn ótkizýge ruqsat bergen. Bul aqparat amerıkalyq jáne ızraıldik resmı derekkózderge súıene otyryp jarııalanǵan.
The Wall Street Journal basylymy da osyǵan uqsas aqparat taratqan. Onyń málimetinshe, Tramp ákimshiligi Iranǵa qarsy áskerı soqqy josparyn bekitken, alaıda shabýyldy bastaý týraly naqty buıryq áli berilgen joq. Basylym derekkózderi Tramp Iran bıliginiń ıadrolyq baǵdarlamadan óz erkimen bas tartady dep úmittenip otyrǵanyn habarlaıdy.
Áskerı áreket bastalǵan jaǵdaıda, basty nysan – Fordodaǵy ýran baıytý zaýyty bolýy múmkin. Bul strategııalyq mańyzy bar obekt taý astynda ornalasqan jáne ony tek joǵary qýatty GBU-57A bombalary ǵana joıa alady. Atalǵan bombalardy tastaý múmkindigi tek AQSh-tyń B-2 Spirit atty kórinbeıtin strategııalyq bombalaýshy ushaǵynda bar.
Sonymen qatar Axios basylymy Aq úıdegi derekkózderge silteme jasap, Tramp ákimshiligi nysanaly soqqylarmen shektelip, Taıaý Shyǵysta uzaqqa sozylatyn áskerı qaqtyǵystan aýlaq bolýdy kózdegenin jazǵan.
