О́ńir jastary «Ardagerlerdi ardaqtaıyq!» aksııasyn turaqty ótkizip keledi.
«Osy jyldyń basynda volonterlik ortalyqtar bekitken ortaq keste boıynsha jastar qys mezgilinde tyl ardagerleri men jalǵyzbasty qarııalardyń úılerine baryp, sharbaqtarynyń qaryn kúrese, jazda baý-baqsha egetin oryndardy qopsytyp, aramshópterdi julyp, retke keltiredi. Tipti úıleriniń terezelerine deıin jýyp ketedi. Qarttarǵa qolǵabys kórsetýde oblystyq volonterlik keńes músheleri, «Ańsar», «Jastar rýhy», «Qolǵanat» eriktiler toby alda keledi», deıdi Aqtóbe oblystyq jastar resýrstyq ortalyǵynyń bólim basshysy Dana Sanatqyzy.
Atalǵan is-sharaǵa erikti retinde qatysqan Qýandyq Janseıittiń aıtýynsha jastar bir jaǵynan qart kisige qolǵabys jasasa, ekinshi jaǵynan tyl ardageriniń taǵylymdy áńgimesin tyńdaıdy.
«Bul men úshin úlken mártebe. Zamannyń aýyrtpalyǵyn bastan ótkerse de moıymaı, adal eńbekpen barlyq qıyndyqty jeńe bilgen ájeıdiń baısaldylyǵyna tań qaldym. Osyndaı ıgi bastamalar jastardyń boıynda patrıottyq sezimdi qalyptastyryp, úlkenge qurmet, kishige izet kórsetýge tárbıeleıdi. О́z basym qoǵamǵa paıdaly istermen aınalysýdy jaqsy kóremin. Eriktiler – júrekteri izgilikke toly adamdar», deıdi volonter.
Aqtóbe oblysy
