Sınoptıkterdiń boljamy boıynsha, aldaǵy kúnderi elimizdiń basym bóliginde aýa raıyna sıklon jáne soǵan baılanysty atmosferalyq fronttar áser etedi.
«Respýblıka aýmaǵynyń batysynda, soltústik-batysynda, soltústiginde, ortalyǵynda jáne ońtústik-shyǵystyń taýly aýdandarynda naızaǵaıly jańbyr jaýady, keı jerlerde nóser jaýyn bolyp, burshaq túsýi múmkin. Sondaı-aq jel kúsheıip, elimizdiń ońtústiginde shańdy daýyldar bolady», delingen habarlamada.
Aýa temperatýrasy aıtarlyqtaı ózgermeıdi. Kúndiz termometr baǵany:
-
batys, soltústik-batys jáne soltústik óńirlerde +18…+30°S,
-
ortalyqta +20…+33°S kórsetedi.
-
shyǵystaǵy keı aýdandarda kún qatty ysyp, +35°S-qa deıin jetýi múmkin.
Al tek ońtústik jáne ońtústik-shyǵys óńirlerde aýanyń qatty ysýy (+35…+40°S) boljanyp otyr, jaýyn-shashyn bolmaýy yqtımal.
