Is-sharanyń negizgi alańy — A. Ságinov atyndaǵy Qaraǵandy tehnıkalyq ýnıversıtetiniń Qarqaraly qalasyndaǵy «Polıteh» oqý-geologııalyq polıgony boldy.
Ýnıversıada elimizdiń barlyq óńirlerinen kelgen stýdentterdi, magıstranttardy, oqytýshylardy jáne sala mamandaryn toǵystyrdy. Bul is-shara geologııalyq ǵylymǵa degen qyzyǵýshylyqty arttyrýǵa, tájirıbe almasýǵa jáne bolashaq mamandardyń praktıkalyq daǵdylaryn damytýǵa baǵyttalǵan.
II Geologııalyq Ýnıversıadanyń jeńimpazdary:
• I oryn — Semeı geologııalyq barlaý kolledji
• II oryn — Nazarbaev Ýnıversıteti
• III oryn — Qazaq-Brıtan tehnıkalyq ýnıversıteti (QBTÝ).
Jeńimpazdarǵa dıplomdar, sertıfıkattar jáne aqshalaı syılyqtar tabystaldy. Sonymen qatar, Satbayev University rektorynyń ataýly granty men QR О́QM Geologııa komıtetiniń alǵys hattary berildi.
Marapattardy Ýnıversıadanyń bas uıymdastyrýshysy — PhD doktory, Satbayev University-diń «Geologııalyq túsirý, paıdaly qazbalar ken oryndaryn izdeý jáne barlaý» kafedrasynyń qaýymdastyrylǵan professory Maksat Kembaev tabystady.
Saltanatty ashylý rásimi barysynda Satbayev University rektory men A. Ságinov atyndaǵy Qaraǵandy tehnıkalyq ýnıversıtetiniń rektory kelesi, III Qazaqstandyq geologııalyq Ýnıversıada О́skemen qalasyndaǵy D. Serikbaev atyndaǵy Shyǵys Qazaqstan tehnıkalyq ýnıversıteti bazasynda ótetinin resmı túrde málimdedi.
«Sátpaev» Ýnıversıadasy jas geologtardyń joǵary kásibı daıarlyǵyn kórsetti jáne Qazaqstanda geologııalyq ǵylymǵa degen qyzyǵýshylyqtyń turaqty túrde artyp kele jatqanyn dáleldedi. Satbayev University barlyq qatysýshylar men seriktesterge shynaıy alǵysyn bildire otyryp, geologııa ǵylymyn ilgeriletý baǵytynda odan ári yntymaqtastyqqa shaqyrady.
