Bul kúni barlyq óńirlerdiń turǵyndary onkoýrologtardan, onkootorınolarıngologtar men terapevtterden tegin konsýltasııa jáne terapevttiń joldamasynsyz jáne MÁMS-tiń bolýyna qaramastan dıagnostıkalyq emsharalardy ala aldy.
Qatysý úshin tek jeke kýálik qajet boldy.
* 600-den astam adam mamandardan konsýltasııa alyp, qarap-tekserýden ótti.
* 250-den astam dıagnostıkalyq emshara, sonyń ishinde ýltradybystyq, PSA, KT taldaýy júrgizildi.
* 26 pasıentte qaterli isikke kúdik anyqtaldy.
* 51 adamǵa qaterli isikke deıingi jaǵdaı anyqtaldy.
* 300-den astam pasıentte baqylaýdy jáne emdeýdi qajet etetin ózge de aýrýlar anyqtaldy.
Aksııanyń sheńberinde dárigerler aýyz qýysyn, bas jáne moıyn terisin, qalqansha jáne qýyq asty bezderin vızýaldy qarap-tekserýden ótkizip, onkologııalyq aýrýlardyń aldyn alý jáne zamanaýı emdeý ádisteri boıynsha konsýltasııa berdi. Qaterli isikke kúdik bar jáne oǵan deıingi pasıentterge qosymsha zerttep-qaraýǵa joldama berildi.
Bas jáne moıyn obyry álemde taralýy boıynsha 6-shy orynda ekenin jáne jyl saıyn 700 myńnan astam adamnyń ómirin qıǵanyn esterińizge sala keteıik. Qazaqstanda jyl saıyn osy aýrýdyń 1 700-ge jýyq jańa jaǵdaıy tirkeledi.
Bas jáne moıyn obyrynyń qaýip faktorlarynyń qataryna temeki shegý, alkogoldi tutyný, vırýstyq ınfeksııalar jáne zııandy hımııalyq zattardyń áseri jatady.
50 jastan asqan er adamdarda onkologııanyń eń kóp taralǵan túrleriniń biri — qýyq asty bezi obyrynyń kóbeıýi erekshe alańdaýshylyq týdyrady. Jyl saıyn aýrýdyń 1600-den astam jańa jaǵdaıy anyqtalady.
Qazaq onkologııa ınstıtýtynda jyl saıyn 1200-den astam emdeýge jatqyzý júrgiziledi jáne bas pen moıynnyń isikterine baılanysty 800 operasııa jasalady.
