Foto: Exyuaviation.com
SCAT áýe kompanııasynyń resmı habarlamasyna sáıkes, reısterdiń keshigýi men toqtatylýyna fors-majorlyq jaǵdaılar sebep bolǵan.
«Birqatar qalalarda qustarmen soqtyǵysý saldarynan áýe kompanııasynyń ushaqtary zaqymdandy», delingen habarlamada.
Soǵan qaramastan, kompanııa reıster kestesin qysqa merzimde turaqtandyrý úshin bar kúshin salyp jatyr.
Qosymsha ushaqtar jedel túrde jiberildi, jospardan tys tehnıkalyq qyzmet kórsetilip jatyr. Osyǵan baılanysty keıbir reısterdiń kestesine ýaqytsha ózgerister engiziledi.
Antalıa – Astana jáne Aqtóbe – Antalıa baǵyttarynda ózgerister boldy.
«Antalıaǵa qosymsha ushaq kelgenshe, jolaýshylarǵa qonaq úılerde turý merzimi uzartyldy. Barlyq qolaıly jaǵdaılar qamtamasyz etilgen. Reıs 2025 jylǵy 23 maýsymǵa josparlanǵan», dedi áýe kompanııasy.
Aqtóbede reısti kútip otyrǵan jolaýshylarǵa ystyq tamaq pen sýsyndar usynyldy. Kompanııa ókilderi men týroperatorlar jolaýshylarmen únemi baılanysta, keste qajettilikke qaraı rettelip jatyr.
2025 jylǵy 23 maýsymda ushaqtardy qaıta bólýmen baılanysty kelesi baǵyttar boıynsha reıster keshigýi múmkin:
-
Almaty – Sharm-esh-Sheıh
-
Almaty – Antalıa
-
Antalıa – Almaty
Sondaı-aq, halyqaralyq jaǵdaı men jeke áýe keńistigine ýaqytsha shekteýler engizilýine baılanysty 2025 jylǵy 23 maýsymǵa josparlanǵan Astana – Doha reısi toqtatyldy.
Al Taıaý Shyǵystaǵy qaqtyǵystyń ýshyǵýyna baılanysty Air Astana kompanııasy da kelesi reısterdi 2025 jylǵy 23 maýsymda toqtatty:
-
KC191/192 – Atyraý – Dýbaı – Atyraý
-
KC205/206 – Astana – Dýbaı – Astana
-
KC897/898 – Almaty – Dýbaı – Almaty
-
KC655/656 – Astana – Doha – Astana
