Foto: Ashyq derekkóz
Onyń aıtýynsha, balabaqshaǵa birneshe ana beınejazbany kórý úshin kelgen. Olar bastapqyda balalardyń bir-birine qatygezdik kórsetip jatqanyn bilgisi kelgen. Alaıda jazbany kórgen kezde tárbıeshiniń búldirshinderge dóreki áreketter jasaǵanyn anyqtaǵan.
«Kamera jazbalarynan 2022 jyly týǵan balalarǵa tárbıeshi tarapynan qatygezdikpen qaraý faktileri anyqtaldy. Bul balalardyń kópshiligi jastaryna baılanysty áli sóıleı almaıdy», dedi Sáýle Shákenova.
Ata-analar dereý polısııa men bilim bólimi ókilderin shaqyrǵan. Oqıǵa ornyna kelgen polısııa qyzmetkerleri beınejazbalardy saqtaıtyn qurylǵyny (resıver) tárkilep, qylmystyq is qozǵaǵan
Bala quqyqtary jónindegi ýákil ata-analarmen birge Pavlodardyń Ońtústik polısııa bólimine baryp, olardyń aryz-shaǵymdary men túsiniktemelerin tirkegenin jetkizgen. Balalarǵa sot-medısınalyq saraptama taǵaıyndalǵan. Sonymen qatar, tárbıeshi men balabaqsha meńgerýshisinen jaýap alynǵan.
Balabaqsha ákimshiliginiń málimetinshe, tárbıeshi bul mekemede shamamen bir jyldan beri jumys isteıdi, jalpy eńbek ótili — 10 jyldan asady. Qalalyq bilim bólimi tarapynan ishki qyzmettik tekseris bastalyp, balabaqsha basshylyǵyna qatysty da shara qoldanylatyny habarlandy.
Aıta keteıik, áleýmettik jelilerde taraǵan kadrlardan tárbıeshiniń búldirshinderdi ıterip, shashtarynan tartqany jáne edenge laqtyrǵany anyq kórinedi.
