Foto: Qyrmyzy Jumaǵalıqyzy
Esterińizge sala keteıik, 2024 jyly Memleket basshysy medısına jáne farmasevtıka qyzmetkerleriniń quqyqtaryn qorǵaýǵa baǵyttalǵan jańa zańǵa qol qoıdy. Bul zań dáriger mamandyǵynyń bedelin arttyryp, salaǵa degen senimdilikti nyǵaıtýdyń mańyzdy qadamy.
Memlekettik qoldaý sharalary qatarynda áleýmettik kepildikter, turǵyn úı jaǵdaıyn jaqsartý jáne materıaldyq yntalandyrý qarastyrylǵan.
Nátıjesinde 2024 jyldyń qorytyndysy boıynsha:
- Dárigerler tapshylyǵy 20%-ǵa qysqaryp, 3 986 birlikti qurady;
- Orta medısına qyzmetkerleriniń jetispeýshiligi 7%-ǵa azaıyp, 4 230-dan asqan.
Aıta keteıik, 2025 jylǵy 1 qańtarǵa qaraı elimizdegi barlyq vedomstvolyq mekemelerdi qosa alǵanda, densaýlyq saqtaý júıesinde 275 myńnan astam medısına qyzmetkeri eńbek etedi. Onyń ishinde:
- 83 myńnan astamy – dárigerler;
- 191 myńǵa jýyǵy – orta medısınalyq mamandar.
Tımýr Sultanǵazıevtiń aıtýynsha, sońǵy úsh jylda kadr sanynyń turaqty ósýi baıqalǵan.
«Sońǵy úsh jylda biz medısına kadrlary sanynyń ósýi boıynsha turaqty oń dınamıkany baıqap otyrmyz: dárigerler sany 2%-ǵa, al orta medısına qyzmetkerleri 0,5%-ǵa ósti. Búgingi tańda Qazaqstanda medısınalyq kadrlarmen qamtamasyz etý EYDU elderiniń ortasha kórsetkishterinen asyp túsedi, bul iske asyrylyp jatqan kadr saıasatynyń tıimdiligin rastaıdy», dedi ol.
Aıta keteıik, kásibı jaýapkershilikti saqtandyrý júıesi 2024 jyldyń qazanynan bastap iske qosyldy. Ol 186 myńnan astam medısına qyzmetkerin qamtyǵan.
Sonymen qatar aýylǵa 5 jylǵa jáne odan da uzaq merzimge barǵan tapshylyq mamandyq ıesi dárigerlerge 100 eń tómengi jalaqy mólsherinde (8,5 mln teńge) birjolǵy járdemaqy tólenedi. Qazirgi tańda 254 dáriger osyndaı qoldaýǵa ıe boldy, jalpy somasy – 2,1 mlrd teńgeden asady.
