Foto: Astana qalasy ákimdigi
Qala ákimdiginiń resmı saıtynyń habarlaýynsha, zamanaýı jasandy ıntellekt elementterimen jabdyqtalǵan «Temirbek» – sóıleý, suraqqa jaýap berý, adamdy qashyqtan sezý sekildi múmkindikterge ıe. Robot STEM baǵyty boıynsha ótip jatqan úıirmege qatysyp, oqýshylarmen erkin baılanys ornatty.
«Basty maqsat – oqýshylardy bolashaq tehnologııalaryna qyzyqtyrý, osyndaı qurylǵylardy óz qolymen jasaýǵa yntalandyrý. Mundaı kezdesýler balalardyń shyǵarmashylyq qabiletin damytyp, jańa ıdeıalarǵa shabyt beredi», dep túsindirdi mektep dırektory Janar Ermuhambetova.
Al №74 mektep-gımnazııasynyń ınformatıka páni muǵalimi Aıdana Aıtjanova robottyń ereksheligine toqtalyp ótti.
«Temirbek» – mektebimizdiń 7 jáne 11-synyp oqýshylary tórt aıda jasap shyǵarǵan jobasy. Qazir ol ashyq sabaqtar men is-sharalarda gıd retinde belsendi qatysyp júr. Bolashaqta ony tolyq qozǵala alatyn, tapsyrma oryndaı alatyn deńgeıge jetkizý josparlanyp otyr», dedi A.Aıtjanova.
