Jasandy ıntellekt: qaýip pe, múmkindik pe?

Men – 11-synyp oqý­shy­sy­myn. Bola­sha­ǵymdy jýrna­lıstıka salasymen baılanys­tyrýdy armandaımyn. Aqpa­ratpen jumys isteý, shyn­dyqty izdeý, qoǵamǵa oı tastaý – men úshin óte mańyzdy. Al JI bul salaǵa da áser ete bas­tady: maqalalar jazý, jańa­­l­­yqtardy shuǵyl túrde ta­ratý, tipti daýys arqyly má­tin qurastyrý sııaqty múm­kin­dikter paıda boldy. Bul ári qýantady, ári oılandyrady.

Jasandy ıntellekti­niń arqa­synda ǵylym men bilim salasynda úlken jetis­tik­terge qol jetkizildi. Mysaly, kúrdeli aýrýlardy erte anyqtaý, jeke oqý baǵdarlamalaryn qurastyrý, aýdarmany avtomattandyrý buryn-sońdy bolmaǵan jańa múmkindikterdi ashty. Sondaı-aq JI muǵa­lim­der men dárigerlerge kómek­shi retinde qyzmet ete alady. Bul – keremet jetistik. Dál sol sııaqty, jýrnalıstı­kada da derekterdi taldaý, ta­qy­rypqa saı kreatıv usyný, mátindi qurylymdaý syndy jumysty jyldam ári tıimdi atqarýǵa bolady. Iаǵnı JI durys qoldanylsa, adamnyń jumysyna kómekshi, shabyt kózi bola alady.

Alaıda jasandy ıntel­lek­tiniń damýy adamzatqa qaýip tóndirýi de múmkin. Keıbir maman­dyqtar joıylyp barady. Mysaly, call-ortalyq operatorlary, aýdarmashylar, tipti keıbir jýrnalısterdiń de ornyn algorıtmder basyp jatyr. Bul jumyssyzdyqty arttyrady. Sonymen qatar JI arqyly jalǵan aqparat ta­ratý, feık jańalyqtar jasaý nemese kıbershabýyl uıym­das­tyrý syndy qaýip te bar. Qol­da­nýshy jaýapsyz bolsa, bul teh­no­logııa qoǵamǵa zııan keltiredi.

Bir jaǵynan, jasandy ıntellekt – qural ǵana. Ony qalaı qoldaný adamnyń ózine baılanysty. Eger biz ony jaqsylyqqa, damýǵa jáne kómekke paıdalansaq, ol bizge jańa múmkindik esigin ashady. Al ony baqylaýsyz damyta bersek, bolashaqta qıyndyqtar týyndaýy múmkin. Menińshe, bul tehnologııany toqtatý emes, júıeli túrde damytý jáne baqylaý mańyzdy. Basty mindet – JI-di adamǵa qyzmet etetin deńgeıde ustaý.

Anyǵyn aıtqanda, jasandy ıntellekt – qaýip te, múmkindik te. Ol bizdiń bolashaǵymyzdy ózgertetini anyq. Biraq bola­shaq búgingi jastardyń qo­lyn­da. Biz jaýapty, bilimdi, izde­nimpaz bolsaq, JI bizge kómek­tesedi. Al eger beıqam qarasaq, ol bizdi basyp ozady. Tańdaý ózimizde.

Hadısha PERDEBAI

Túrkistan oblysy