Qanjardyń saby múıiz, jetesin qorǵasyn quıyp shegendegen. Tegi bul bertinde jasalǵan restavratorlar jumysy bolsa kerek. Qanjardyń qyr arqasynan bastap, jetesinen sozylǵan qos oıma qoby syzyǵy bar. Ush jaǵy kádimgi pyshaq sııaqty qaıqy. Qanjar-eksponattyń qujatynda: jalpy uzyndyǵy – 34,4 sm, saby – 11 sm, salmaǵy 0,8 kılo delinipti jáne bul buıymdy mýzeı qoryna ótkizgen adam retinde tanymal sýretshi Sahı Romanov esimi tirkelgen.
Atalǵan jádiger týraly qabanbaıtanýshy jáne elorda mańyndaǵy batyr zıratynyń shyraqshysy Kamal Ábdirahman aǵamyzdan surap kórdik.
«Bul «qanjar» emes, sapy, – deıdi Kamal aǵa. – Jádigerdi 1980 jyly belgili memleket qaıratkeri О́zbekáli Jánibekov mýzeıge ótkizgen. Men bul týraly О́zaǵańnyń ózinen surap, tolyq málimet alǵanmyn. Ol kisiden «Aǵa, Túrkistandaǵy batyr atamyzdyń sapysyn mýzeıge siz tapsyrǵan ekensiz, ol buıym qolyńyzǵa qalaı túskenin aıtyp bermeısiz be?» dedim. Sondaǵy О́zaǵanyń bergen jaýaby: «1723 jyly Ábilmansurdyń atasy qanisher Abylaı Túrkistandy jaýǵa tastap qashyp ketken tusta, Qabanbaı batyr urandap júrip bytyraǵan halyqty jınap, jaýǵa qarsy turady. Batyrdyń janqııarlyǵyna rıza bolǵan halyq basshysyz qalǵan elge Qabanbaıdy han kóteripti. Qabakeńniń «Han batyr» atanǵan sebebi sol. Osy rásim kezindegi «Han talapaıda» Qabekeńniń sapysy bizdiń atalarymyzdyń qolyna túsipti. Urpaqtan-urpaqqa jalǵasyp maǵan jetti. Men ony mýzeıge ótkizdim. Bar-joǵy osy», depti.
