PETROPAVL. 22 maýsym. Petropavl. Aımaq basshysy Erik Sultanov aq halatty jandardy kásibı merekelerimen quttyqtap, aýdandyq aýrýhanalar men qalalyq emhanalarǵa 55 «Jedel járdem» kóliginiń kiltin saltanatty túrde tabys etti. Bul týraly oblystyq ákimdiktiń baspasóz qyzmeti habarlady.
Salanyń materıaldyq-tehnıkalyq bazasyn qarjylandyrýǵa byltyr 1 mıllıard teńge jumsalǵan. 75 jas maman jumysqa ornalassa, olardyń 43 eldi mekenderde eńbek etip júr. Sońǵy bes jyl ishinde halyq densaýlyǵynyń negizgi kórsetkishteri jaqsaryp, jalpy ólim-jitim 10 paıyzǵa, bala ólimi 24 paıyzǵa kemigen.
Erik Hamzauly óńirdiń medısına qyzmetkerlerine tabys tileı kelip, bir top dáriger men meıirbıkeni Qurmet gramotalarmen, Alǵys hattarmen, densaýlyq jáne áleýmettik damý mınıstriniń «Densaýlyq saqtaý isine qosqan eńbegi úshin» tósbelgilerimen marapattady. Aýdandyq aýrýhanalar men qalalyq emhanalar 55 «Jedel járdem» kólikterine ıelik etip, úlken syıǵa ıe boldy.
Saltanatty shara emdeý mekemeleri kórkemónerpazdarynyń «Qazaqstannyń birligi–halyqqardyń dostyǵynda» atty baıqaýyna jalǵasty. Onyń qorytyndysy boıynsha ánshiler arasynda biirinshi oryndy Ýálıhanov ortalyq aýrýhanasynyń onkolog dárigeri Qajymurat Esirkepov, bı atalymynda oblystyq kardıologııalyq ortalyqtyń «Altyn júrek» toby jeńip aldy.
О́mir Esqalı.
Derek, sýret: Soltústik Qazaqstan oblystyq ákimdiginiń baspasóz qyzmeti.
