Foto: Shymkent qalasy ákimdigi
Azamattardyń quqyqtyq saýattylyǵyn arttyryp, turǵyndarǵa tegin zań kómegin kórsetý maqsatyndaǵy aksııa Dostyq úıinde qala ákiminiń tapsyrmasymen uıymdastyryldy.
Shymkent ákimdiginiń baspasóz qyzmetiniń málimdeýinshe qala turǵyndary advokat, notarıýs, prokýror mamandarmen qatar, memlekettik jáne jergilikti atqarýshy organdardyń ókilderinen, quqyq qorǵaý salasynyń mamandarynan quqyqtyq keńes aldy. Zańgerler halyqty mazalaǵan ózekti máseleler boıynsha túsindirý jumystaryn júrgizip, turǵyn úı, jer daýlary, áleýmettik tólemder, alıment óndirý, eńbek quqyǵy sekildi túrli suraqtarǵa jaýap berdi.
Atalǵan sharanyń uıymdastyrylýyn joǵary baǵalap, mundaı aksııalardyń jıi ótýi kerektigin jetkizgen qala turǵyndarynyń aıtýynsha, mundaı bastamalar halyq pen bılik arasyndaǵy baılanysty nyǵaıtyp, qoǵamdaǵy quqyqtyq mádenıetti arttyrýǵa oń yqpal etedi.
