Foto: Erlan Omar
«Eń tómengi jalaqyny kóterý bir jaǵynan óndiristik shyǵyndardyń kóbeıýine, ekinshi jaǵynan tutyný sektorynyń belsendiliginiń artýyna alyp keledi. Erteń bul suranysqa tikeleı yqpal etýi múmkin. Sondyqtan mundaı sheshimderge óte muqııat qaraý kerek», dedi Serik Jumanǵarın.
Onyń aıtýynsha, eń tómengi jalaqyny kóterý men ınflıasııa arasynda tikeleı, uzaq merzimdi baılanys bolmaýy múmkin, biraq sarapshylar arasynda bul máselege qatysty túrli kózqarastar bar. Sol sebepti, jalaqyny arttyrý birtindep, kezeń-kezeńimen júzege asyrylýy tıis prosess.
Esterińizge sala keteıik, qazirgi ýaqytta elimizde eń tómengi jalaqy mólsheri – 85 000 teńge. Buǵan deıin Májilis depýtaty qosalqy qyzmetkerler, tazalyqshylar jáne tehnıkalyq personaldyń jalaqysy jaıly másele kóterip, ony 174 000 teńgege deıin kóterýdi usynǵan edi.
