Foto: Ǵylym jáne joǵary bilim mınıstrligi
Qazirgi tańda elimizdiń 122 joǵary oqý ornynda 680 myńǵa jýyq stýdent bilim alady. Mınıstrlik jastardyń quqyqtary men múddelerin qorǵaýǵa, oqý prosesindegi ádilettilik pen ashyqtyqty qamtamasyz etýge baǵyttalǵan keshendi jumys júrgizip keledi. Bul rette stýdenttik ombýdsmender ınstıtýtynyń orny erekshe.
Aqerke Abylaıhannyń aıtýynsha, stýdenttik ombýdsmender eki jyldan astam ýaqyt ishinde barlyq óńirlerde belsendi jumys júrgizip keledi. Bıyl stýdentterden 6000-nan astam ótinish túsip, olardyń deni oqý prosesi, jataqhana, stıpendııa jáne uıymdastyrýshylyq máselelerge qatysty bolǵan.
«Akademııalyq adaldyqty saqtaý – bilim alýdaǵy basty prınsıpterdiń biri. Bul rette Akademııalyq adaldyq lıgasy qurylǵan. Oǵan búginde 18 joǵary oqý orny múshe», dedi ol.
Toqtar Bolysov stýdenttik ombýdsmenderdiń 2024-2025 oqý jylyndaǵy qyzmetine toqtalyp, 6079 ótinishtiń qaralǵanyn málimdedi.
«Ombýdsmender ınstıtýtynyń maqsaty – stýdentterdiń quqyqtary men zańdy múddelerin tıimdi qorǵaýdy qamtamasyz etý, sondaı-aq eldegi joǵary oqý oryndarynda qaýipsiz ári ádiletti bilim berý ortasyn qalyptastyrý. Jyl ishinde 100-den astam josparly is-shara men 20-dan astam jospardan tys monıtorıng júrgizildi. Ombýdsmender stýdentterdiń ótinishterine jedel áreket etip, týyndaǵan máselelerdi ýaqytyly sheshýge jáne qıyn jaǵdaıdaǵy stýdentterge qoldaý kórsetýge múmkindik berdi», dedi ol.
Sonymen qatar «Stýdenttik ombýdsmender mektebi» aıasynda quqyq, kommýnıkasııa, qaqtyǵystardy sheshý boıynsha trenıngter ótkizilip, belsendi stýdentterdi daıarlaý qolǵa alyndy.
Respýblıkalyq stýdenttik ombýdsmen Ulan Naýken jastardyń quqyqtyq mádenıetin qalyptastyrý men ashyq dıalogty ilgeriletý boıynsha Qazaqstan stýdentteriniń Alıansy men mınıstrliktiń áriptestigi mańyzdy ekenin atap ótti:
«Bul ınstıtýt qazirgi tańda stýdent pen júıe arasyndaǵy ashyq dıalog quraly retinde qalyptasyp, eldegi bilim berý keńistiginiń jaýapty ári ınklıýzıvti bolýyna jol ashyp keledi», dedi ombýdsmen.
Onyń málimetinshe, ombýdsmender stýdentterdiń ótinishteri negizinde oqý oryndary ákimshiligimen jáne basqa da jaýapty organdarmen tıimdi ózara is-qımyl ornatyp, jastardyń quqyqtary men múddeleriniń saqtalýyna naqty yqpal etti.
