Foto: (arhıv) Sıfrlyq damý, ınnovasııalar jáne aeroǵarysh ónerkásibi mınıstrligi
«Biz Qazaqstanda jasandy ıntellektti strategııalyq qural retinde qarastyramyz. Bizdiń maqsat adamdy almastyrý emes, onyń múmkindikterin ıntellektýaldy sheshimder arqyly kúsheıtý bolyp otyr», dedi mınıstr.
J.Mádıevtiń aıtýynsha, árıne, jasandy ıntellektiniń damýy eńbek naryǵyna da tikeleı áser etedi. Ol eń aldymen kúndelikti qaıtalanatyn jumystarǵa áser etedi. Bolashaqta keıbir mamandyqtar azaıýy múmkin. Bul – jasandy ıntellektiniń keıbir mindetterdi tez, arzan jáne qateliksiz oryndaı alýymen baılanystyrylyp otyr. Jasandy ıntellekt qaýipsiz ári ıntellektýaldy eńbekke jol ashady.
«Mysaly, ónerkásip salasynda robottandyrylǵan keshender engizilip jatyr. Olar adamnyń qaýipti óndiristerge qatysýyn azaıtady. Sol sııaqty taý-ken óndirisi, qurylys nemese metallýrgııa salasyn atap ótýge bolady. Osy salalarda jasandy ıntellekt arqyly jaraqat alý qaýpin azaıta alamyz. Al adamnyń mindeti basqarý, ınjenerlik qyzmetter, úderisterdi baqylaý sııaqty joǵary deńgeıdegi fýnksııalarǵa aýysady», dedi J.Mádıev.
Mınıstrdiń aıtýynsha, árıne, atalǵan ózgerister birden bolmaıdy.
«Bul birtindep júretin tabıǵı prosess ózi. Sondyqtan biz kadrlardy qaıta daıarlaý men oqytý jumystaryn dál qazir qazirden bastap júrgizip jatyrmyz», dedi Jaslan Mádıev.
