ASTANA. 16 aqpan. Qyzylorda oblysy Qazaly aýdany ákiminiń buqaralyq sportty damytýdaǵy bekitken is-sharalar josparyna sáıkes, Qazaqstan halqy Assamblıasynyń 20 jyldyǵyna arnalǵan, aýdan turǵyndary arasynda qysqy sport túrlerine tartý maqsatynda sharalar ótýde. Bul týraly egemen.kz tilshisi habarlady.
Sonyń biri – Qazaly qalasynda ótkizilgen búgingi shańǵy tebý saıysy. Salaýatty ómir saltyn nasıhattaý jáne damytý maqsatynda uıymdastyrylǵan saıys «Shaǵala» tynyǵý lagerinde ótti. Saıysqa Áıteke bı kentinen jáne Qazaly qalasy turǵyndary qatysyp, sheberlikterin shyńdady.
Jarys qortyndysynda, Altynbek О́tepbergenov III oryndy jeńip aldy. Al II oryndy Darhan Ysqaqov ıelense, Jarys jeńimpazy bolyp Medetov Qudaıbergen tanyldy.
Jalpy aýdan kóleminde qysqy sport túrlerinen estafetalyq jarystar, qar ústindegi sporttyq oıyndar. óz deńgeılerinde ótkizilýde. Mundaı sporttyq saıystar aýa-raıyna baılanysty kezeń-kezeńimen uıymdastyrylady.
Jeńimpazdar aýdandyq dene shynyqtyrý jáne sport bólimi tarapynan marapattaldy.
Joldybaı Bazar.
Derek, sýret: egemen.kz.
