Qyzyqtyń kókesi osy kezde bastalady. Saýda ortalyǵynyń lentasy qıylyp, jurt dúkenge qaraı umtylǵanda, olardyń aldynda — jaı ǵana dalaǵa ornatylǵan jalǵan fasad, ıaǵnı qurylys ormanyna tirelgen plakat turǵany anyqtaldy. Onyń artynda eshqandaı ǵımarat joq edi. Bul — rejıssýra fakýltetiniń eki stýdenti uıymdastyrǵan performans bolatyn. Olar bul oqıǵany bastan-aıaq beınejazbaǵa túsirip, tutynýshylyq mádenıet pen jarnama manıpýlıasııasyn áshkereleıtin «Český sen» (cheh armany) atty derekti fılm shyǵardy. Bul oqıǵa el ishinde úlken rezonans týdyryp, jarnamanyń áseri týraly qoǵamǵa tereń oı saldy.
