ASTANA. 16 aqpan. Qyzylorda oblysy Qazaly aýdanynda respýblıkaǵa belgili fýtbol bapkeri Serik Keýlimjaıuly Sansyzbaev eske alýǵa arnalǵan aýdandyq týrnır ótkizildi. Oǵan Aqtóbe, Syrdarııa, Jalaǵash, Qarmaqshy, Baıqońyr jáne Aral aýdandarynan jáne jergilikti jerdiń komandalary, barlyǵy 12 komanda qatysty. Bul týraly egemen.kz tilshisi
Týrnırdi «Nur Otan» partııasy aýdandyq fılıalynyń birinshi orynbasary Qasqyrbek Mámbetjan ashyp berdi. Serik Keýlimjaıulynyń aýdandyq sport, onyń ishinde fýtboldyń damýyna úlken úles qosqandyǵy týraly estelikter aıtty. Eki kúnge sozylǵan jarysqa Áıteke bı kentiniń ákimi Samat Amanov jarysqa qatysýshylarǵa sáttilik tiledi.
Sonymen, jarys qorytyndysy boıynsha III oryndy Shákirtter komandasy, II oryndy Tulpar /Baıqońyr qalasynan/ komandasy, I oryndy Qazaly aýdany qurama komandasy ıelendi. Týrnırdiń jeńimpaz jáne júldeger komandalary aýdandyq dene shynyqtyrý jáne sport bóliminiń maqtaý qaǵazdary men kýboktar jáne Sansyzbaevtar áýletiniń baǵaly syılyqtarymen marapattaldy. Bul sharaǵa oblystyq máslıhat depýtaty Ibadýlla Tilep jáne Ordabasy komandasynyń shabýylshysy Dáýrenbek Tájimbetov qarjylaı demeýshilik jasady.
Joldybaı Bazar.
Derek, sýret: egemen.kz.
