Taraptar Qazaqstannan Tájikstanǵa astyq jetkizilimin ózara tıimdi sharttarmen ulǵaıtý perspektıvalaryn, astyq naryǵy boıynsha aqparat almasý máselelerin, sondaı-aq aýyl sharýashylyǵy salasyndaǵy ekijaqty yntymaqtastyqty keńeıtýdiń joldaryn talqylady.
Kelissózderdiń basty taqyryby - Qazaqstannan Tájikstanǵa astyq eksportyn arttyrý máselesi boldy.
Tájikstan - dástúrli túrde Qazaqstandyq astyq ónimderiniń negizgi ótkizý naryqtarynyń biri. Orta eseppen bul elge jyl saıyn shamamen 1 mıllıon tonna astyq jetkiziledi.
«Qazaqstan temir joly» ulttyq kompanııasy» AQ derekteri boıynsha, 2024 jyldyń qorytyndysynda Tájikstanǵa astyq eksportynyń kólemi 1,3 mıllıon tonnany qurady, bul 2023 jylmen salystyrǵanda 20%-ǵa kóp.
Al 2024 jylǵy qyrkúıekten 2025 jylǵy maýsymǵa deıingi aralyqta jańa ónimnen 1,2 mıllıon tonna astyq eksporttalǵan, bul ótken jyldyń osyndaı kezeńimen salystyrǵanda 1,5 ese artyq (sol kezeńde — 823 myń tonna bolǵan).
Aıdarbek Saparov eksportty keńeıtý máselelerinde jan-jaqty qoldaý kórsetýge daıyn ekenin rastap, Qazaqstannyń agroónerkásiptik keshen salasyndaǵy Tájikstanmen seriktestikti nyǵaıtýǵa múddeli ekenin atap ótti.
