Belgili kınorejısser Eldar Rıazanovtyń júregine ota jasaldy

ASTANA. 4 tamyz. Máskeýde keńestik-reseılik belgili kınorejısser Eldar Rıazanovtyń júregine ota jasaldy. Bul týraly TASS-qa silteme jasalǵan ras.kz habarlady. Shilde aıynyń sońynda belgili kınorejısser aýa jetpeı, júregi shanshyp aýyra bastaǵanyn sezinipti. Sosyn onyń otbasy músheleri Rıazanovty Máskeýdiń kardıo-ortalyǵyna jatqyzyp, josparly emdetýdi jón kóripti. Al tekserýdiń nátıjesinde onyń júregine operasııa jasaýǵa sheshim qabyldanady. «Júregi shanshyp, aýa jetpeıtinine shaǵymdanǵan Eldar Rıazanovty otbasy tekserýden ótkizý úshin ortalyqqa alyp keldi. Dárigerler júrektiń jumysy men koronografııasyna táýliktik monıtorıng jasady. Qorytyndyda júrektiń koronarlyq qan tamyrlarynyń tarylyp ketkeni anyqtaldy. Sondyqtan shuǵyl túrde oǵan stend ornatýǵa týra keldi», – dep habarlady mánbe agenttikke. Mánbeniń aıtýynsha, 87 jastaǵy pasıent qazir jansaqtaý bóliminde jatyr. Onyń densaýlyq jaǵdaıyna jasalǵan boljam jaqsy, jaqyn kúnderde palataǵa shyǵarylady. Talǵat Raıymbek. Derek, sýret: ras.kz.