Qurylys salasyndaǵy basty baǵyt – turǵyn úı qurylysy. Qańtar men mamyr aılary aralyǵynda 179,5 myń sharshy metr turǵyn úı paıdalanýǵa berilgen. Bul shamamen 1810 jańa páter. Qostanaı qalasy men Rýdnyıda, sondaı-aq Qostanaı aýdanyna qarasty aýmaqtaǵy «Astana» jáne «Báıterek» shaǵyn aýdandarynda qurylys qarqyny joǵary. Jalpy alǵanda, bul shaǵyn aýdandarda 150-den astam turǵyn úı men áleýmettik ınfraqurylym nysandary boı kótermek.
О́ńir basshysy otyrysta eldi mekenderdegi turǵyndardyń ómir súrý sapasyn arttyrý qajettigin atap ótip, aýmaqtardy keshendi túrde abattandyrýdy tapsyrdy.
«Úı salǵan kezde aýmaqty abattandyrýǵa erekshe mán berý kerek. Balalar jáne sport alańdary tek sapaly materıaldardan jasalyp, barlyq qurylymdar berik ornatylýy tıis. Men qurylys alańdaryn jeke ózim aralap júrmin, aýdan ákimderine bul jumysty qatań baqylaýǵa alýdy tapsyrdym. Qoǵamdyq baqylaý – eń tıimdi tásil», dedi Qumar Aqsaqalov.
Qostanaı oblysynda áleýmettik ınfraqurylymdy damytý jumystary da qatar júrgizilip jatyr. Qazirdiń ózinde birneshe mektep, emhana, balabaqsha jáne sport nysandary iske qosyldy. Jyl sońyna deıin aýyldyq jerlerde taǵy 15 jańa áleýmettik nysan paıdalanýǵa berilmek.
Injenerlik ınfraqurylymǵa da erekshe kóńil bólinip keledi. Atap aıtqanda, Qunaı, Bereke, Astana jáne Báıterek shaǵyn aýdandarynda sý, jaryq, jylý júıelerin tartýǵa 8,7 mlrd teńge bólingen. Sonymen birge qurylys materıaldary óndirisi de qarqyn alyp otyr: bıylǵy bes aıda bul salada 18,5 mlrd teńgeniń ónimi shyǵarylǵan.
Jıyn barysynda TOO «My Eco House» dırektory Nurjan Battalov ekologııalyq jáne únemdi SIP-panelderden úı salý jobasyn tanystyrdy. Onyń aıtýynsha, 180 sharshy metrlik úıdi nebári 10 kúnde qurastyryp shyǵýǵa bolady.
Sonymen qatar turǵyn úıge muqtaj jandar úshin oblysta elektrondy kezek júıesi engizilip jatyr. «Otbasy bank» bazasynda iske qosylǵan bul júıe arqyly turǵyndar jeńildetilgen ıpoteka men jaldamaly páter baǵdarlamalaryna qatysa alady. 2025 jylǵy mamyr aıynyń sońyna deıin bul júıede 149 myńnan astam ótinim tirkelgen.
Oblys ákimi Kýmar Aqsaqalovtyń aıtýynsha, óńirdegi barlyq bastama men jumys azamattardyń ómir súrý sapasyn arttyrýǵa baǵyttalǵan.
