Is-shara barysynda jýrnalıster áskerı bólimniń kúndelikti tynys-tirshiligimen tanysyp, sarbazdardyń túrli baǵyttaǵy daıarlyǵyn kózben kórdi. Tilshiler áskerı tehnıkalardy, qarý-jaraq úlgileri, sarbazdardyń turatyn jerin, ashana jaǵdaıyn kórip, kınologııalyq qalashyqty aralap shyqty.
Baspasóz týrynyń eń qyzyqty sáti – Makarov tapanshasynan atý saıysy boldy. Jýrnalıster 25 metr qashyqtyqtan dáldikke atyp, mergendik synasty.
Shara sońynda «Batys» óńirlik qolbasshylyǵynyń qolbasshysy, general-maıor Bekaıdar Qazkeev buqaralyq aqparat quraldary ókilderin kásibı merekemen quttyqtady. Birqatar jýrnalıst alǵys hat pen estelik syılyqqa tıe boldy. Mergendik saıysynda kózge túsken tilshilerge de dıplom men medal tapsyryldy.
Batys Qazaqstan oblysy
