Foto: Erlan Omar
«2024 jylǵy kóktemgi sý tasqyny saldarynan Qarasý aýdanynda bes kól: Timtýir, Qoıbaǵar, Alabota, Bıesoıǵan jáne Janshora kólderi qosylyp, jalpy aýdany 621 km2 bolatyn sý basý aımaǵynyń qalyptasýyna ákeldi. Uzyndyǵy 38 shaqyrymdy quraıtyn elektr jelileriniń 234 tiregi sý astynda qaldy, bul aýdannyń EBJ jalpy uzyndyǵynyń 15,5%-yn quraıdy. Tirekter qulaǵan jaǵdaıda 2 426 abonent (10 myńǵa jýyq turǵyn) jáne 114 aýyl sharýashylyǵy qurylymy elektr qýatynsyz qalýy múmkin», dep habarlady Úkimettiń baspasóz qyzmeti.
Sý basý aımaǵynda mańyzdy ınfraqurylymdyq nysandar – oblystyq jáne aýdandyq joldar, baılanys jelileri, egis alqaptary men jaıylymdar ornalasqan. Osyǵan baılanysty Qostanaı oblysy ákimdigi sý tasqyny qaýpin azaıtý úshin uzyndyǵy 14,2 shaqyrym bolatyn sý burý arnasyn salý jobasyn ázirlegen.
Jobanyń jalpy quny 1,9 mlrd teńgeni quraıdy. Onyń bir bóligi oblystyq bıýdjet esebinen qarjylandyrylyp otyr. Al Úkimet rezervinen bólingen qarjy qurylys jumystaryn ýaqytyly aıaqtaýǵa múmkindik beredi.
