«Talǵat Sháripqalıev – Bókeı ordasy óńiriniń tarıhy men mádenıetin zertteýge eleýli úles qosqan tulǵa. Onyń tarıhı-tanymdyq maqalalary men derekti materıaldary Qazaqstannyń túrli merzimdi basylymdarynda jaryq kórip, kópshilik oqyrmannyń oń baǵasyna ıe bolǵan. Jańa kitapta avtordyń respýblıkalyq jáne óńirlik baspasózde jarııalanǵan eńbekteri, sonymen qatar zamandastarynyń estelikteri toptastyrylǵan» deıdi osy kitaptyń jaryq kórýine eńbek sińirgen ólketanýshy Aıbolat Qurymbaev.
Aýǵan soǵysynyń ardageri Talǵat Sháripqalıev ómirden erte ketti. Biraq osy qysqa ǵumyrynda ólketanýshy óziniń týǵan jeri Bókeı ordasynyń tereń tarıhyn barynsha zerttep, kóptegen maqala jazǵan eken. Biraq osy kezge deıin kitap bolyp shyqpaǵan edi. Jańa jınaqqa ǵalymnyń 70-ke jýyq maqalasy engen. Munda Bókeı Ordasynyń tarıhy, onyń tulǵalary, mádenıeti jáne quqyqtyq júıesiniń qalyptasýy jaıly qundy derekter qamtylǵan.
Is-sharaǵa Almaty qalasynan marqumnyń jary Nurjamal Eseeva men uly, zııaly qaýym ókilderi, ólketanýshylar, tilshiler men oqyrmandar qatysty.
Batys Qazaqstan oblysy
