Foto: Túrkistan oblysynyń ákimdigi
Onyń aıtýynsha, bıyl ashylatyn tórt iri jobamyzdyń ekeýi arnaıy ekonomıkalyq aımaqta, qalǵan ekeýi ındýstrıaldy aımaqta ornalasqan.
«Atap aıtar bolsaq, «KentauRedStar»JShS-i – kirpish óndirisimen aınalysady. 2023 jyly qurylysy bastalǵan nysannyń joba quny - 1,5 mlrd teńge. Bıyl mamyr aıynda iske qosylǵan zaýytta 80 adam turaqty jumyspen qamtylǵan. О́ndiris orny jylyna 45 mln dana kirpish óndirýge qaýqarly. Budan bólek, «TURAN SHENHUA» JShS-i gaz qazandyqtaryn jáne turmystyq tehnıkalalardy óndirýdi qolǵa almaq. 2025 jyldyń qarasha aıynda jumysyn bastaıdy dep josparlanǵan óndiris ornynda 120 adamǵa jumys tabylmaq. Joba quny – 2,4 mlrd teńge. Sondaı-aq, bıyl aıaqtalýy tıis jobalar qatarynda metall buıymdaryn óndirýge baǵyttalǵan «AıdarStroıGrýpp» JShS-i jáne «Sapar Qurylys-S» JK metall óndirisi sehy bar», dedi Jandos Tasov.
Aıta keteıik, 2025 jyldyń alǵashqy 5 aıynda Kentaý qalasynyń óńirlik ónimi 33,1 mlrd teńgeni quraǵan. Osy kezeńde negizgi kapıtalǵa tartylǵan ınvestısııa kólemi 5,2 mlrd teńge. О́nerkásip óniminiń kólemi 23,6 mlrd teńgege jetip, Kentaý oblysta 4-orynǵa jaıǵasqan. Onyń ishinde óńdeý ónerkásibiniń úlesi 20,1 mlrd teńgeni qurasa, aýyl sharýashylyǵynda jalpy ónim kólemi 2,1 mlrd teńge bolǵan.
Qalaǵa qarasty aımaqtarda týrızm salasy da damyp keledi. Jyl basynan beri óńirge kelýshiler sany 16,6%-ǵa artqan. Bul kórsetkishti arttyra túsý úshin Hantaǵy aýylynda 13 gektar aýmaqta 15 zamanaýı modýldi kapsýlalarmen jabdyqtalǵan «KHANTAU» demalys aımaǵy salynyp jatyr. 400 mln teńge kóleminde baǵalanǵan bul joba jyl sońyna deıin aıaqtalady. Sonymen qatar, «Qarataý» memlekettik tabıǵı qoryǵy aýmaǵynda vızıt-ortalyq salý kózdelgen. Jalpy aýmaǵy 300 sharshy metr bolatyn nysan jylyna 100 myń týrısti qabyldaýǵa qaýqarly.
О́ńirdegi qurylys salasy da qarqyn alyp keledi. 2025 jyldyń shildesinde 5 qabatty 60 páterli áleýmettik-nesıelik turǵyn úıdiń qurylysy aıaqtalady.
«Sondaı-aq, shahardaǵy 288 kópqabatty turǵyn úı qazirgi tańda tolyqtaı jańartylǵan. О́ńirdegi ınfraqurylym salasynda da birqatar jumystar atqarylýda. Jalpy búgingi tańdaǵy óńirdiń gazmen qamtylý kórsetkishi 85%-ǵa jetken. Al, Kentaý qalasy men oǵan qarasty aýyldar 100% aýyz sýmen qamtylǵan. Sondaı-aq, qala kósheleriniń jaryqtandyrylýy 98%-dy qurasa, óńirdegi qanaǵattanarlyq jaǵdaıdaǵy joldar úlesi 87,7%-ǵa jetip otyr», delingen habarlamada.
