Osyndaı erekshe marketıngtik aılany sátti paıdalanǵan kompanııalardyń biri – Alka-Seltzer. Bul – bas aýrýy men asqazan jaısyzdyǵyna qarsy qoldanylatyn tanymal dári. 1960 jyldardyń basynda atalǵan kompanııa jarnamalyq naýqanyn túbegeıli ózgertýdi sheshedi. Buǵan deıingi jarnamalarda bir ǵana tabletka staqandaǵy sýǵa salynyp, qoldaný joly kórsetiletin.
Alaıda jańa naýqanda bári basqasha usynyldy. Jańa telerolıkterde akterler bir emes, eki tabletkany staqanǵa qatar tastaıtyn boldy. Bul kórinis beısanaly túrde kórermenniń oıyna: «Múmkin, eki tabletka ishý kerek shyǵar?» degen oı saldy. Iаǵnı, ónim ózgermese de, qoldaný mólsherine degen kózqaras ózgerdi. Buryn bir qaptamadaǵy tabletka bir aptaǵa jetse, endi sol qaptama birneshe kúnge ǵana jetetin boldy. Sonyń arqasynda satylym sany kúrt ósti.
Bul qarapaıym ǵana vızýaldy tásil búginde marketıng sheber sheshimniń úlgisi retinde qarastyrylady. Alka-Seltzer kompanııasy osy qadam arqyly tutyný kólemin eseleı aldy, al jarnama salasy úshin bul tájirıbe tutynýshy psıhologııasyna áser etýdiń naqty mysalyna aınaldy.
Sondyqtan jarnama tek ónimdi tanymal etýmen shektelmeıdi. Ol tutynýshynyń nıetine, áreketine, tipti oılaý úlgisine áser ete alady. Alka-Seltzer mysaly sonyń jarqyn dáleli. Keıde ózgeris tek sózde emes, bir ǵana kadrda, bir ǵana qımylda bolýy múmkin. Biraq sol qarapaıym ózgeris mıllıondaǵan adamǵa áser etip, mıllıardtaǵan paıda ákeledi.
